«Шахсияте, ки салобат ва одамияташ омӯхтанист» — нашриёти «Эр-граф» китоби нав чоп кард

ДУШАНБЕ, 19.12.2016 /АМИТ «Ховар»/. Нашриёти «Эр-граф» китоби «Родмарде дар масири сиёсат»-ро аз чоп баровард, ки муаллифи он журналист Далери Абдулло ва муҳаррираш Нависандаи халқии Тоҷикистон Кароматуллоҳи Мирзо мебошад.
Китоби мазкур аз «садоқат, масъулиятшиносӣ, поквиҷдонӣ ва қонунсолорӣ»-и Амиршо Миралиев нақл мекунад.
Мавриди зикр аст, ки Амиршо Миралиев дар вазифаҳои пурмасъул: вакили Маҷлиси намояндагон, раиси вилояти Хатлон, роҳбари Дастгоҳи иҷроияи Президенти Ҷумҳурии Тоҷикистон, Мушовири давлатии Президенти Ҷумҳурии Тоҷикистон оид ба масъалаҳои сиёсати кадрҳо, муовини якуми Маҷлиси намояндагони Маҷлиси Олии Ҷумҳурии Тоҷикистон фаъолият карда, ҳамчун сиёсатмадори ошкоргӯ, ҳақиқатҷӯ, поквиҷдон ва меҳанпараст эътирофу арҷгузорӣ гаштааст.
Китоби «Родмарде дар масири сиёсат» барои доираи васеи хонандагон пешбинӣ шудааст.