Ширкати Вазири корҳои хориҷӣ дар Иҷлосияи 23-юми Шӯрои вазирони корҳои хориҷии САҲА

Декабрь 9, 2016 17:01

ДУШАНБЕ, 09.12.2016 /АМИТ «Ховар»/. Вазири корҳои хориҷии Ҷумҳурии Тоҷикистон Сироҷидин Аслов дар нишасти пленарии Иҷлосияи 23-юми Шӯрои вазирони корҳои хориҷии Созмони амният ва ҳамкорӣ дар Аврупо (САҲА), ки дар шаҳри Ҳамбурги Олмон 8 декабри соли 2016 оғоз гардид, иштирок ва суханронӣ намуд. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
«Зимни суханронӣ дар Иҷлосия С. Аслов мавқеи Тоҷикистонро роҷеъ ба нуктаҳои мубрами рӯзномаи САҲА, аз ҷумла масъалаҳои марбут ба ислоҳоти ниҳодҳои САҲА, зарурати талошҳои муштараки кишварҳои ширкаткунандаи САҲА дар мубориза бо терроризм, гардиши ғайриқонунии маводи мухаддир ва аслиҳа ва таҳкими амният дар Афғонистон ироа намуд»,-хабар дод манбаъ.
Вазири корҳои хориҷии Тоҷикистон инчунин таваҷҷуҳи роҳбарони кишварҳои иштироккунандаи САҲА-ро ба ҳолатҳои вуҷуд доштани меъёрҳои дугона дар бархӯрдҳои Созмон ва бархе аз кишварҳои он, норавоии ширкати ашхос ва гурӯҳҳои ҷиноятпеша дар ҳамоишҳои САҲА, инчунин зарурати бозбинии ваколатҳои дафтарҳои саҳроии Созмон мутобиқи авлавиятҳо ва талаботи воқеии кишварҳои мизбон ҷалб намуд.

Декабрь 9, 2016 17:01

Хабарҳои дигари ин бахш

Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд