Шумораи нави фаслномаи илмӣ-адабии «Камоли Хуҷандӣ» ба нашр расид

ДУШАНБЕ, 21.11.2016 /АМИТ «Ховар»/. Муассисаи давлатии «Маркази илмии Камоли Хуҷандй» дар шаҳри Хуҷанд нашри фаслномаи илмй-адабиро ба роҳ мондааст, ки то имрӯз 7 шумораи он ба нашр расидааст. Ҳоло шумораи 8-уми он аз чоп баромад. Дар ин бора аз муассисаи мазкур ба хабарнигори АМИТ «Ховар» иттилоъ доданд.
«Дар шумораи тозанашри фаслномаи «Камоли Хуҷандӣ», илова бар мақолаву матнҳои марбут ба Камоли Хуҷандӣ ва илму адаб, инчунин бар асоси татбиқи Қарори Президенти Ҷумҳурии Тоҷикистон муҳтарам Эмомалӣ Раҳмон оид ба бузургдошти Ҳаким Тирмизӣ дар соли 2016 чанд маводи алоқаманд ба рӯзгору осори ин донишманди номвари миллат мунташир гардид»,-овардааст манбаъ.
Бояд гуфт, ки муассисаи мазкур то имрӯз зиёда аз 20 асарро нашр намудааст.