«Робин Гуд»-ғолиби вилоятии пойга

Март 28, 2017 16:09

ДУШАНБЕ, 28.03.2017. /АМИТ «Ховар»/. Бахшида ба Иди байналмилалии Наврӯз дар майдони аспдавонии ҷамъияти саҳомии ба номи Абдураҳим Ҷумъаеви ноҳияи Бобоҷон Ғафуров рӯзи якшанбеи 26 март мусобиқаи вилоятӣ оид ба пойга баргузор шуд. Дар ин бора аз Хадамоти матбуотии вилояти Суғд хабар доданд.
Раиси вилояти Суғд Абдураҳмон Қодирӣ дар маросими кушодашавии чорабинии варзишӣ иштирок намуд. Муовини Раиси вилоят Ориф Хоҷазода иштирокчиёни чорабинии варзишӣ ва сокинони ноҳияро бо Иди Наврӯз табрик гуфта, изҳор дошт, ки ҳар сол дар арафаи иди аҷдодӣ мусобиқаҳои пойгаву бузкашӣ баргузор мешавад ва мусобиқаи имрӯза 19-умин мусобиқа ба ҳисоб меравад.
«Мусобиқаи вилоятии пойга дар 9 давр ҷараён гирифт ва дар он беш аз 70 асп иштирок намуданд. Дар даври ниҳоӣ асп бо номи «Робин Гуд» масофаи муқарраршударо аз ҳама пештар тай намуд.
Ба ғолибони мусобиқаи вилоятӣ туҳфаҳои хотиравӣ ва ба ғолиби ҷои аввал 3 ҳазор сомонӣ супорида шуд»,-иттилоъ доданд аз Хадамоти матбуотӣ.

Март 28, 2017 16:09

Хабарҳои дигари ин бахш

Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод