Изҳороти ширкати ҳавопаймоии «Сомон Эйр» ҷиҳати ба таваққуфгоҳ баргардонидани ҳавопаймои Боинг 737-900
ДУШАНБЕ, 17.04.2017 /АМИТ «Ховар»/. 14 апрел, пеш аз парвози ҳавопаймои Боинг 737-900-и ширкати ҳавопаймоии «Сомон Эйр» дар самти Душанбе-Хуҷанд, дудолудшавии дохили ҳавопаймо зоҳир гардид. Дар ин бора аз Хадамоти матбуоти ширкати ҳавопаймоии «Сомон Эйр» хабар доданд.
Бино ба иттилои манбаъ, сабаби дудолудшавӣ воситаи шустушӯие гашт, ки ҳангоми иҷрои корҳои нақшавӣ қабл аз парвоз барои тоза кардани муҳаррик истифода шуда буд. Дар доираи гузаронидани тафтишот муайян гашт, ки омехтаи боқимондаи маҳсулоти тозакунӣ тавассути муҳаррик ба шабакаи гарму хунуккунии ҳавои дохили ҳавопаймо ворид гашта, боиси дудолудшавӣ ва бӯй дар дохили ҳавопаймо ва кабинаи ҳавонавардон шуд.
Дар натиҷа, сарҳавонаварди ҳавопаймо мувофиқи дастурамал қарори дахлдор қабул кард, ки ба таваққуфгоҳ баргардад ва фавран оид ба ин ҳодиса гурӯҳи роҳбаладонро огоҳ намуд. Роҳбаладон дар навбати худ мувофиқи дастурамал ба мусофирон ҳолатро фаҳмонида, эълон карданд, ки ҳавопаймо ба таваққуфгоҳ бармегардад.
Инчунин манбаъ зикр намуд, ки ҳамаи мусофирон чанд соат пас тавассути ҳавопаймои дигари ширкат ба Хуҷанд интиқол дода шуданд.
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
