Кӯҳпора як хонаи истиқоматиро дар шаҳри Хоруғ қисман хароб кард
ХОРУҒ, 03.04.2017. /АМИТ «Ховар»/. Шоми рӯзи ҷумъа, 31 март кӯҳпораи азим аз кӯҳ канда ва ба тарафи кӯчаи ба номи Сайфулло Абдуллои шаҳри Хоруғ сарозер шуд. Як пораи он ба девори манзили дуошёна бархӯрд ва ду ҳуҷраи онро қисман хароб намуд. Сардори ситоди ҳолатҳои фавқулода ва мудофиаи граждании Вилояти Мухтори Кӯҳистони Бадахшон Наим Мираков дар иртибот ба ин ба хабарнигори АМИТ «Ховар» гуфт: «Аъзои хонаводаро як ҳафта пеш ба хонаи хешу табор кӯч додем ва аз ин рӯ касе аз онҳо ҳангоми сангчарх дар хона ҳузур надошт. Як ҳуҷра дар ошёнаи якум ва як ҳуҷраи дигар дар ошёнаи дуюм комилан хароб шуданд. Чаҳор ҳуҷраи дигар зарар надиданд. Ҳоло хисороти воридшударо муайян мекунем ва мувофиқи имконият ба зарардидагон кумак мерасонем».
Як ҳафта пеш дар ҳамин кӯча, ки дар рӯ ба рӯи бозори марказӣ қарор дорад ва бо номи Гулакен маъруф аст, сел ҷорӣ шуд ва роҳи марказии мошингарди шаҳрро ба муддати ду соат баст. Ин сел ба манзилҳои истқоматӣ ва боғу роғи сокинон осеб нарасонд.
Ҳоло ситоди ҳолатҳои фавқулода ва гурӯҳи ихтиёриён дар маҳаллаҳои шаҳр навбатдории шабонарӯзӣ ба роҳ мондаанд.
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
