Нахустнамоиши «Ишқи парӣ» дар театри Камоли Хуҷандӣ
ДУШАНБЕ, 17.04.2017 /АМИТ «Ховар»/. Дар Театри вилоятии мусиқӣ-мазҳакавии ба номи Камоли Хуҷандӣ нахустнамоиши «Ишқи парӣ» баргузор гардид.
Тавре аз Вазорати фарҳанги Ҷумҳурии Тоҷикистон иттилоъ доданд, «Ишқи парӣ» ба қалами нависанда ва драматург Тоҳири Маҳмадризо тааллуқ дошта, он дар таҳияи сеюм аз ҷониби коргардони шинохта Умар Алиев рӯи саҳна оварда шуд. Намоиш аз ишқи поки инсонӣ ва ба ваъда вафо кардани одамон нақл мекунад.
«Асари мазкурро бори аввал соли 2008 дар Театри давлатии драмаи русии ба номи Владимир Маяковский Ҳунарпешаи халқии Тоҷикистон Баҳодур Миралибеков ба саҳна гузошта буд. Он соли 2012 дар Театри мусиқӣ-драмавии ба номи Меҳрубон Назаров дар шаҳри Хоруғ дар таҳияи коргардон Умед Хисравов манзури ҳаводорони театр гардид»,- хабар доданд аз Вазорати фарҳанги кишвар.
Намоиши «Ишқи парӣ» дар чандин озмуну ҷашнвораҳои байналмилалӣ дар Украина, Беларус, Қирғизистон, Қазоқистон, Ӯзбекистон ва Россия ширкат карда, соҳиби туҳфа ва дипломҳои гуногун гардидааст. Инчунин соли 2011 дар Фестивал-озмуни ҷумҳуриявии театрҳои касбӣ «Парасту-2011» ҷои аввалро соҳиб гардид.
Дар Вазорати адлия бахшида ба Рӯзи Конститутсияи Тоҷикистон ҳамоиш доир гардид
КОНСТИТУТСИЯ ВА ТАҚДИРИ МИЛЛАТ. Аз андешаи давлатдорӣ то фарҳанги созандаи ҷомеа
Имрӯз дар баъзе ноҳияҳои Тоҷикистон туман мефарояд
Конститутсияи Ҷумҳурии Тоҷикистон санади муҳиму сарнавиштсоз барои миллати тоҷик аст
Конститутсия самтҳои асосии сиёсати хориҷии Тоҷикистонро муқаррар кардааст
Дар шаҳри Бохтар ба муносибати 32-солагии қабули Конститутсия ҳамоиш доир гардид
Дар ҷамоатҳои деҳоти Ясману Ҳоити ноҳияи Рашт ба ифтихори Рӯзи Конститутсия ҳамоиши идона доир гардид
Рӯзи Конститутсияи Ҷумҳурии Тоҷикистонро дар Хуҷанд бошукуҳ таҷлил намуданд
Ҳайати Тоҷикистон дар Форуми байналмилалии Арбитраж дар Чин иштирок намуд
«КОНСТИТУТСИЯ–САРОҒОЗИ НИЗОМИ ДАВЛАТДОРИИ МИЛЛӢ». Таҳти чунин унвон ҳамоиши ҷумҳуриявӣ доир шуд
Дар Донишгоҳи технологии Тоҷикистон бахшида ба Рӯзи Конститутсия конференсияи илмӣ–адабӣ гузаронида шуд
Бахшида ба Рӯзи Конститутсия дар Палатаи савдо ва саноати Тоҷикистон ҳамоиш доир гардид
