Тоҷикистон ва Малайзия ҳамкориро тавсеа мебахшанд
ДУШАНБЕ, 18.04.2017./НИАТ «Ховар»/. Тоҷикистон ва Малайзия тасмим гирифтаанд ҳамкориҳоро дар соҳаҳои гунонун ривоҷ бахшанд. Дар ин бора Сафири Фавқулода ва Мухтори Ҷумҳурии Тоҷикистон дар Малайзия Музаффар Муҳаммадӣ ва Вазири захираҳои табиӣ ва муҳити зисти Малайзия доктор Ҳоҷӣ Ван Ҷунайдӣ ибни Туанку Ҷаафар ибрози андеша намуданд. Мулоқоти онҳо имрӯз, 18 апрели 2017 дар пойтахти ин кишвар – шаҳри Путраҷай доир гардид. Дар ин бора ба АМИТ «Ховар» аз Сафорати Тоҷикистон дар Малайзия хабар доданд.
Зимни вохӯрӣ ҷонибҳо перомуни масъалаҳои мубрами ҳамкориҳои дуҷониба байни Ҷумҳурии Тоҷикистон ва Майлайзия дар соҳаҳои мухталиф, аз ҷумла сиёсӣ, иқтисодӣ, сармоягузорӣ ва сайёҳӣ табодули назар карданд. Ҳамчунин масоили вобаста ба пайдо кардани роҳҳои рушди бештари ҳамкориҳои мутақобилан судманди Тоҷикистону Малайзия дар соҳаҳои энергетика, ҳифзи муҳити зист ва истифодаи самараноки захираҳои табиӣ мавриди муҳокима қарор гирифт.
Бояд зикр намуд, ки масъалаҳои вобаста ба ривоҷи минбаъдаи муносибатҳо байни ду кишвар, аз ҷумла ифтитоҳи бинои Сафорати Тоҷикистон ва ба фаъолият оғоз кардани он тобистони соли 2014 ҳангоми сафари давлатии Пешвои миллат, Президенти Ҷумҳурии Тоҷикистон Эмомалӣ Раҳмон ба Малайзия, ки бо имзои як қатор санадҳои муҳими ҳамкорӣ анҷом пазируфт, матраҳ гардида буданд. Музаффар Муҳаммадӣ бо Фармони Президенти Тоҷикистон аз 18 майи соли 2016 Сафири Фавқулода ва Мухтори Ҷумҳурии Тоҷикистон дар Малайзия таъйин шудааст.
Хотиррасон менамоем, ки моҳи марти соли ҷорӣ ба барқарорсозии муносибатҳои дипломатӣ миёни Ҷумҳурии Тоҷикистон ва Малайзия 25 сол пур шуд.
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
Сироҷиддин Муҳриддин бо ҳамоҳангсози доимии СММ дар Тоҷикистон мулоқот намуд
Дар Анқара машваратҳои сиёсӣ байни вазоратҳои корҳои хориҷии Тоҷикистон ва Туркия баргузор шуданд
Масоили ҳамкорӣ дар соҳаи моликияти зеҳнӣ байни Тоҷикистон ва Корея баррасӣ гардид
Дар Теҳрон ҳамкории дуҷониба байни Тоҷикистон ва Эрон баррасӣ шуд
Сафири Тоҷикистон бо Вазири давлатии вазорати федералии корҳои хориҷии Олмон оид ба корҳои Аврупо мулоқот намуд
Ҳайати Ҷумҳурии Тоҷикистон бо иқтидори саноатии вилояти Брест шинос гардид
