Имрӯз, 24 майи соли 2017, чоршанбе, рӯзи 144 –уми сол аст. То охири соли ҷорӣ боз 221 рӯзи дигар боқӣ мондааст

Тақвими моро ҳар рӯз дар ин гӯша

шореҳ Шукӯҳи ДАЛЕР варақ мезанад:

24 майи соли 1925 нахустин шумораи рӯзномаи «Комсомолская правда» нашр шудааст, ки он дар замони шуравӣ миллионҳо нусха чоп  мешуд ва яке аз рӯзномаҳои бонуфузтарини собиқ СССР буд.

***

985 сол муқаддам,  24 майи соли 1032 нахустин маротиба донишманд ва мутафаккири барҷастаи тоҷик Абӯалӣ ибни Сино аз гардиши  Зуҳра дар атрофи Офтоб хабар дода буд.

***

350 сол пеш, дар ин рӯзи соли 1667 Франсия бар зидди Испания ҷанги инқилобӣ оғоз кард.

***

 173 сол қабл аз ин, 24 майи соли 1844  телеграфи Морзе (содатарин асбоби  фиристодани сигналҳо) аввалин барқияро аз Вашингтон ба Балтимор равон карда буд.

***

24 сол муқаддам, 24 майи соли 1993 Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҳайси Раиси Шӯрои Олии Ҷумҳурии Тоҷикистон бо нахустин  сафари расмӣ  ба шаҳри Москваи Федератсияи Россия сафар карда буданд.

***

Дар ин рӯзи соли 2001 дар Минск вохӯрии 10-уми Шӯрои роҳбарони  сохторҳои амниятӣ ва хадамоти махсуси давлатҳои узви Иттиҳоди Давлатҳои Мустақил баргузор гардида буд. Дар ҷаласаи мазкур масъалаҳои  роҳандозӣ кардани чорабиниҳои муштараки фаврӣ- ҷустуҷӯӣ нисбат ба ҷамъиятҳои муташаккилонаи фаромиллии ҷиноятӣ мавриди баррасӣ карор гирифта буданд.

***

Дар ин рӯзи соли 2009 дар шаҳри Душанбе маросими пешвозгирии расмии Президенти ҳамонвақтаи Хорватия Степан Месача бо иштироки  Президенти Ҷумҳурии Тоҷикистон муҳтарам Эмомалӣ Раҳмон баргузор шуда буд.

***

24 майи соли 2010 конфронси илмӣ-байналмилалӣ барои ҷавонони тарҷумони асарҳои бадеии кишварҳои Иттиҳоди Давлатҳои Мустақил дар шаҳри Душанбе ба кори худ оғоз кард, ки дар он ҷавонони тарҷумон аз 10 кишвар- Тоҷикистон, Озарбойҷон, Арманистон, Беларус, Қазоқистон, Қирғизистон, Россия, Украина, Молдава ва Ӯзбекистон иштирок намуданд. 

***

24 майи соли 2011 дар Тоҷикистон аввалин маротиба дар Осиёи Марказӣ Маркази пайвандсозии узвҳо ва бофтаҳои бадани одам ба фаъолият шурӯъ кард.

***

Се сол пеш- 24 майи соли 2014 байни Тоҷикистон ва Беларус 10 ҳуҷҷати байнидавлатӣ имзо шуд.

***

24 май дар Россия Рӯзи коркунони шуъбаи кадрҳо мебошад, ки аз соли 2005 инҷониб таҷлил карда мешавад