Лоиҳаи таъмини оби нӯшокӣ дар ноҳияи Панҷ ғолиби Озмуни Ҷопон гардид!
ДУШАНБЕ, 05.07.2017 /АМИТ «Ховар»/. 29 июни соли 2017 дар шаҳри Токио бахшида ба ҷоизаи лоиҳаи «Барқарор намудани низоми таъмини оби нӯшокӣ дар ноҳияи Панҷ» ҷамъомад баргузор гардид. Лоиҳаи мазкур ҳамчун беҳтарин тарҳи татбиқшуда аз ҷониби ширкатҳои ҷопонӣ дар соҳаи сохтмони шаҳрвандӣ дар хориҷи кишвар интихоб шудааст.
Ин лоиҳаи дар Тоҷикистон аз ҷониби ширкатҳои «Eight-Japan Engineering Consultants Inc.» ва «Dai Nippon Construction» бо маблағгузории Ҳукумати Ҷопон тавассути Агентии Ҷопон оид ба ҳамкориҳои байналмилалӣ татбиқ шудааст.
Ҷамъияти муҳандисони шаҳрвандии Ҷопон (Japan Society of Civil Engineers JSCE) барои тарҳрезӣ ва амалисозии лоиҳаи «Барқарор намудани низоми таъмини оби нӯшокӣ дар ноҳияи Панҷ» ширкатҳои «Eight-Japan Engineering Consultants Inc.», «Dai Nippon Construction» ва КВД «Хоҷагии манзилию коммуналӣ»-и Тоҷикистонро бо ҷоиза сарфароз намудааст. Ин шашумин ҷоизаест, ки аз ҷониби Ҷамъияти муҳандисони шаҳрвандии Ҷопон барои тарҳҳои пешқадам дар соҳаи сохтмони шаҳрвандӣ, ки дар хориҷи кишвар татбиқ шудаанд, мукофонида шудааст.
Сафири Фавқулода ва Мухтори Ҷумҳурии Тоҷикистон Ҳамрохон Зарифӣ бар асоси даъвати роҳбари ширкати «Eight-Japan Engineering Consultants Inc.» дар ин ҷамъомад ширкат намуд.
Зимни суханронӣ Сафири Тоҷикистон ҷонибҳои иштирокчиёнро аз таҳия ва татбиқи лоиҳаи мазкур табрик гуфта, изҳори боварӣ намуд, ки натиҷаи чунин корҳо минбаъд низ ҳадафи мукофотҳои байналмилалӣ қарор хоҳад гирифт. Сафир аҳамияти тарҳи татбиқшударо ҳам барои Тоҷикистон ва ҳам барои таҳкими ҳамкориҳои дуҷониба дар рушди бахши иҷтимоӣ таъкид сохт.
Корҳои сохтмонӣ оид ба барқарорсозии низоми таъминоти об дар доираи ин лоиҳа аз моҳи марти соли 2013 то охири соли 2016 гузаронида шудааст. Низоми татбиқшудаи обтаъминкунӣ аз ду обанбор, яке дар ҳаҷми 1800 м3 ва дигаре дар ҳаҷми 250 м3 иборат буда, аз рӯи сохт лоиҳаи ягона дониста шудааст ва миёни кишварҳои Осиёи Марказӣ тарҳи ҳаммонанд сохта нашудааст. Зиёда аз 29 ҳазор аҳолии ноҳияи мазкур бо оби тозаи нӯшокӣ дастрасӣ пайдо намудаанд, ки ин дар навбати худ ба беҳтаргардонии сатҳу сифати зиндагии аҳолӣ мусоидат менамояд.
Имрӯз дар баъзе ноҳияҳои Тоҷикистон борон меборад
Дар Донишгоҳи давлатии Хуҷанд аз рӯйи ихтисоси забони чинӣ 352 нафар таҳсил менамоянд
Дар ноҳияи Фирдавсӣ ду ташкилоти ибтидоии Ҳизби Халқии Демократии Тоҷикистон таъсис дода шуд
ҚОНУНИ МИЛЛӢ ДАР ТАҲРИРИ НАВ ҚАБУЛ ГАРДИД. Акнун тарбияи кӯдак аз ҷониби се ниҳоди иҷтимоӣ — оила, мактаб ва ҷомеа амалӣ мешавад
Вазири корҳои хориҷии Чин Ван И бо сафари расмӣ ба Ҷумҳурии Тоҷикистон меояд
Чӣ тавр метавонем дар Узбекистон бо интернет қарор дошта, чандин маротиба камтар маблағ сарф кунем
Имрӯз дар баъзе ноҳияҳои Тоҷикистон борони кӯтоҳмуддат меборад
«ОИЛА-МАКОНИ МЕҲРУБОНӢ». Дар шаҳри Норак Рӯзи байналмилалии оила таҷлил карда шуд
Дар шаҳри Турсунзода нақшаи даъват пурра иҷро гардид
Имрӯз дар Тоҷикистон ҳавои камабри бебориш пешгӯӣ мешавад
«ҶАВОНОН-ПАЙРАВОНИ ПЕШВОИ МИЛЛАТ!». Таҳти чунин унвон ҳафтаи худидоракунӣ гузаронида мешавад
Дар Душанбе вобаста ба иҷрои самараноки «Пардохти ҳушманд» ҷаласаи корӣ баргузор шуд
