Мавлуда Қаландарзода: “Боло рафтани масъулияту ӯҳдадории сокинон омили аслии зиёд шудани парвандаҳои иқтисодӣ мебошад”
ДУШАНБЕ, 19.07.2017 /АМИТ «Ховар»/. Аз оғози соли равон то ба имрӯз аз ҷониби суди марҳилаи якум, кассатсионӣ ва назоратӣ 1430 адад парвандаҳои иқтисодӣ баррасӣ гардидаанд, ки ин шумора нисбат ба ҳамин давраи соли сипаригардида 167 адад зиёд мебошад. Ин нуктаро имрӯз Раиси Суди Олии иқтисодии Ҷумҳурии Тоҷикистон Мавлуда Қаландарзода зимни нишасти матбуотӣ иброз дошт.
Ба суоли хабарнигори АМИТ «Ховар» роҷеъ ба омилҳои афзоиш ёфтани шумораи парвандаҳои иқтисодӣ Мавлуда Қаландарзода чунин посух дод: «Дар бештари ҳолат ҳодисаҳои қонуншиканӣ аз шикоят ва маълумотдиҳии сокинон ошкор карда мешаванд ва яке аз омилҳои аслии бақайдгирии ҳодисаҳои қонунвайронкунӣ дар самти иқтисодӣ маҳз боло рафтани масъулияту уҳдадории шаҳрвандон мебошад».
Ба андешаи Раиси Суди Олии иқтисодӣ, зиёд шудани субъектҳои хоҷагидорӣ омили дигари афзоиши ҳодисаҳои қонунвайронкунӣ ҳисобида мешавад. «На ҳамаи субеъктҳои хоҷагидорӣ дар ҳама ҳолат фаъолияти худро тибқи қонун ва талаботҳои муайянгардида ба роҳ мемонанд. Дар сурати роҳ додан ба қонуншиканӣ, албатта, ин афрод ба муҷозот кашида мешаванд».
Мавлуда Қаландарзода ҳамзамон иттилоъ дод, ки аз шумораи парвандаҳои иқтисодии баррасигардида 1087 адади онҳо ба судҳои иқтисодии ҷумҳурӣ тааллуқ дошта, зимни баррасӣ нисбат ба 860 парванда ҳалнома содир шудааст.
Таҳти раёсати Тоҷикистон ҷаласаи 108-уми Шурои иқтисодии Иттиҳоди Давлатҳои Мустақил баргузор гардид
Имрӯз дар ноҳияҳои алоҳидаи кӯҳии Тоҷикистон бориши борон ва барф дар назар аст
Доир ба пешгирии кирдорҳои коррупсионӣ конференсияи байналмилалӣ баргузор шуд
Сардори Раёсати робитаҳои байналмилалии Донишкадаи давлатии фарҳанг ва санъати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Орзуи миллионер шудан бо ZET-MOBILE воқеӣ аст
Дар Донишкадаи байналмилалии Хуҷанди Донишгоҳи байналмилалии сайёҳӣ ва соҳибкории Тоҷикистон сохтмони биноҳои нави таълимӣ оғоз шуд
Баланд бардоштани сатҳи таълиму тарбия дар Коллеҷи технологии Конибодом баррасӣ гардид
IRS: Ҳаракати тамоми намуди нақлиёт дар роҳи мошингарди Душанбе-Чанок таъмин аст
ИСТИФОДАИ САМАРАНОКИ ЗАМИН. Беш аз 300 гектар замини ноҳияи Айнӣ ба гардиши кишт ворид карда мешавад
Имрӯз дар Тоҷикистон борон ва барф меборад
Оид ба робитаи фалсафа бо зеҳни сунъӣ машварат баргузор шуд
Бахшида ба Рӯзи ҳуқуқи инсон дар Маркази тадқиқоти стратегӣ конфронс доир шуд
