Вазорати тандурустӣ ва ҳифзи иҷтимоии аҳолӣ оид ба сар задани бемории домана дар ноҳияи Бохтар маълумоти расмӣ пешниҳод кард
ДУШАНБЕ, 12.07.2017 /АМИТ «Ховар»/. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон оид ба сар задани бемории домана дар ноҳияи Бохтари вилояти Хатлон ба АМИТ «Ховар» маълумоти расмӣ пешниҳод кард, ки дар он омадааст:
«Бо мақсади омӯзиши ҳамаҷонибаи вазъи эпидемиологии бемориҳои таввассути об сироятёбанда ва расонидани кӯмакӣ амалӣ гурӯҳи кории Вазорати тандурустӣ ва ҳифзи иҷтимоии аҳолӣ ба ҷамоати деҳоти Бохтариёни ноҳияи Бохтар сафарбар карда шуд. Дар натиҷаи гузаронидани омӯзишҳо муайян гардид, ки омили асосии хуруҷи бемориҳои тавассути об сироятёбанда дар ҷамоати деҳоти Бохтариёни ноҳияи Бохтар аз обҳои кушод мебошад. Муайян гардид, ки каналу ҷӯйборҳо дар маҳалҳои аҳолинишин аз даруни ҳавлиҳои шаҳрвандон гузашта, ҳолатҳое ба қайд гирифта шудаанд, ки ҳоҷатхонаҳо дар масофаи то 1 метр аз шохоби дарёча сохта шуда, пасобаи ҳамомҳо ва саршӯйхонаҳо ба оби каналу ҷӯйборҳо мерезанд.
Инчунин, муайян гардид, ки то имрӯз 5 нафар гирифторони бемории домана бистарӣ гардидаанд. Бо мақсади пешгирии паҳншавии беморӣ ситоди вилоятӣ ташкил карда шуда, дар ҳама нуқтаҳои аҳолинишини ҷамоат аз ҳисоби кормандони муассисаҳои кӯмаки аввалияи тиббию санитарӣ ва беморхонаи марказӣ, маркази ташаккули тарзи ҳаёти солим ва маркази назорати давлатии санитарию эпидемиологии ноҳия вобаста карда шуданд. Ҳар як гурӯҳи муттахассисон вазифадор карда шудаанд, ки ташрифҳои хонагиро дар минтақаи худ ҳамарӯза ба роҳ монда, дарёфти фаъоли шахсони гумонбар ба бемориҳои шадиди рӯдаро таъмин намоянд ва барои муоина ба назди духтури сироятшинос роҳхат диҳанд ва иншооте, ки ҳамчун манбаи хатар дар наздикии каналу ҷӯйборҳо мавҷуданд безарар ва нест гардонида шаванд.
Баҳри гузаронидани корҳои безараргардонӣ ба муассисаҳои табобативу профилактикӣ маводҳои безараргардонӣ тақсим карда шуда, корҳои ташвиқотиву тарғиботӣ низ пурзӯр карда шуд. Пас аз андешидани чораҳои зарурӣ аз санаи 21 июн то инҷониб ягон ҳодисаи нави гумонбар ба бемории домана дарёфт нагардидааст».
Маълумоти расмии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо имзои муовини якуми вазир С.Умарзода ба АМИТ «Ховар» пешниҳод шудааст.
Имсол дар Тоҷикистон чӣ қадар боғҳои нав бунёд гардиданд?
Дар шаҳри Норак ҳашари экологии «Тозагии обанбор» баргузор гардид
Имрӯз дар Тоҷикистон ҳаво то 32 дараҷа гарм мешавад
Президенти Ҷумҳурии Тоҷикистон Эмомалӣ Раҳмон ба Кантслери федералии Ҷумҳурии Федеративии Олмон Фридрих Мерс барқияи табрикӣ ирсол намуданд
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Дар Хатлон вобаста ба амалиёти пешгирикунандаи «Маданияти шаҳрдорӣ» ҷаласа баргузор гардид
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
