БА РОССИЯ, БАРОИ ҶАМЪ ОВАРДАНИ МАБЛАҒИ ХАТНАСУРИ ФАРЗАНД… Дар Душанбе нахустнамоиши филми ҳунарии «Тангно» доир гардид
ДУШАНБЕ, 07.09.2017. /АМИТ «Ховар»/. Шоми дирӯз дар Филармонияи давлатии Тоҷикистон ба номи А. Ҷӯраев нахустнамоиши филми ҳунарии «Тангно»-и Муассисаи давлатии «Суғдсинамо» ба номи Комил Ёрматов баргузор гардид. Ба иттилои Вазорати фарҳанги Ҷумҳурии Тоҷикистон, филм ба ифтихори 10-солагии қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» аз рӯи асари «Тангнои гетӣ» -и Нависандаи халқии Тоҷикистон Сорбон ва бо коргардонии Муҳиддини Музаффар дар ҳамкорӣ бо шабакаи СМ-1 шаҳри Хуҷанд таҳия гардидааст.
Филм муаммоҳои иҷтимоии ҷомеаи муосирро инъикос менамояд. Қаҳрамони асосии филм писараке бо номи Армон аст, ки падараш баҳри ҷамъ кардани маблағ барои хатнасури ӯ ба Россия рафта, бедарак мешавад. Армон бо вуҷуди хурдсолӣ мардонавор ба мушкилиҳои рӯзгор тоб оварда, худ кӯшиш мекунад, ки барои гузаронидани хатнасураш маблағ ба даст оварад. Нақши Армонро дар филм Муҳаммадшариф Раҳматуллоев хеле ҷолиб иҷро кардааст.
Дар филм Ҳунарпешаи халқии Тоҷикистон Раҷабгул Қосимова, ҳунармандон Аҳлиддин Шарифов, Бунёд Комилов, Сурайё Ҳакимова низ чеҳраҳои марказӣ офаридаанд. Беш аз 10 нафар кӯдакони аз 4 сола то 13-сола низ дар ин филм нақш бозидаанд.
Баъд аз намоиши филм ҳайати ҷавони киностудияи «Суғдсинамо» шарикони расмӣ ва иттилоотии филмро бо сипоснома қадрдонӣ намуда, гуфтанд, ки «Тангно» дар Соли ҷавонон ва дар остонаи ҷашни бузурги Истиқлолияти давлатӣ туҳфаи хубест барои дӯстдорони санъати кино.
Ёдрас мекунем, ки филми мазкур 11 сентябр дар шаҳри Хуҷанд, 12 сентябр дар шаҳри Конибодом ва 14 сентябр дар шаҳри Панҷакенти вилояти Суғд намоиш дода мешавад.
Имсол 100-солагии академик Аҳрор Мухторов таҷлил карда мешавад
РӮЗИ БАЙНАЛМИЛАЛИИ ҲИФЗИ КӮДАКОН. Дар Академияи миллии илмҳои Тоҷикистон бахшида ба он ҳамоиш доир шуд
Президенти Тоҷикистон аз тайёр кардани кадрҳои илмӣ дар пажуҳишгоҳҳо ва марказҳои Академияи миллии илмҳо ва Академияи илмҳои кишоварзӣ изҳори нигаронӣ намуданд
Шурои ҳукуматӣ оид ба рушди кинематографияи миллӣ баргузор шуд
«КАМОЛИ ОДАМӢ ДАР ИЛМ БОШАД…». Имрӯз 1020-солагии Носири Хусрави Қубодиёнӣ таҷлил карда шуд
«МО НАСЛИ ХУШБАХТИ ЗАМОН». Бахшида ба Рӯзи байналмилалии ҳифзи кӯдакон дар Осорхонаи миллӣ ҷамъомади фарҳангӣ-фароғатӣ доир шуд
Президенти Тоҷикистон фаъолияти кормандони Академияи миллии илмҳоро яке аз масъалаҳои ташвишовар унвон намуданд
«ҲАДИСИ НОСИРИ ХУСРАВ ҲАМИН АСТ». Дар Тоҷикистон 1020-солагии Носири Хусрави Қубодиёнӣ таҷлил мегардад
«БАРНОМАИ РУШДИ ЗАБОНИ ДАВЛАТӢ БАРОИ СОЛҲОИ 2020-2030». Давоми чор соли фаъолияти он кадом натиҷаҳо ба даст омаданд ва чӣ мушкилот дар ин самт мавҷуд аст?
Раиси ҳукумати мардумии шаҳри Чэндуи Чин дар Осорхонаи миллӣ бо таъриху тамаддуни тоҷикон шинос гардид
Бахшида ба Рӯзи байналмилалии ҳифзи кӯдакон таҳти унвони «Пайравони Пешвои миллатем» ҳамоиш доир гардид
Нашриёти «Ирфон» се шоҳасари барҷаста: «Гулчини ғазалиёт» ва «Ҷоми ҷон»-и Ҷалолуддини Балхӣ ва «Тоҷикон»-и Бобоҷон Ғафуровро бо се забон ба нашр расонид
