МУКОФОТ МУБОРАК! Академияи илмҳои Ҷумҳурии Тоҷикистон сазовори ҷоизаи «Springer Nature» гардид

Октябрь 4, 2017 15:12

ДУШАНБЕ, 4.10.2017 /АМИТ «Ховар»/. «Академияи илмҳои Ҷумҳурии Тоҷикистон дар соли 2017 аз ҷониби ширкати «Springer Nature» ба мукофот аз рўи бахши нашриётии «Муассисаи дорои теъдоди зиёди маводи чопӣ» сазовор дониста шуд»,-мужда расонд президенти Академияи илмҳои Ҷумҳурии Тоҷикистон Фарҳод Раҳимӣ зимни ҷаласае, ки имрӯз оид ба фаъолияти нуҳмоҳаи ин ниҳод баргузор гардид.  

Ширкати   «Springer Nature» нашриёти байналмилалии илмии ҷаҳон буда, аз соли 1842 фаъолият менамояд ва  шурӯъ аз соли 2015 фаъолияташро дар кишварҳои Осиёи Марказӣ тақвият бахшидааст.

Бояд зикр намуд, ки ширкати «Springer Nature» ва олимони кишварҳои Осиёи Марказӣ муддатҳост, ки шарикони стратегӣ маҳсуб мешаванд. Ба платформаи «Springer Link» маводи чопии зиёди давлатҳои Осиёи Марказӣ шомил гардидаанд. Аз соли 1958 то кунун дар ин платформа  аз ҷониби муаллифон беш аз 7000 ҳуҷҷат ба табъ расидаанд.

академия2Бино ба  маълумоти Фарҳод Раҳимӣ, 6 октябри соли 2017 дар шаҳри Алмаатои Ҷумҳурии Қазоқистон маросими супоридани мукофот аз рўи бахши «Муассисаи  дорои теъдоди зиёди маводи чопӣ» ва «Муаллифони  теъдоди зиёдтарини маводи чопӣ» баргузор мегардад.

«Академики АИ ҶТ Иззатулло Ғаниев аз ҷониби ширкати «Springer Nature» ба мукофот дар бахши «Муаллифони дорои  теъдоди зиёдтарини маводи чопӣ» сазовор дониста шуд»,-иброз дошт президенти Академияи илмҳо.

Дар айни замон «Springer Nature» аз зумраи ширкатҳои рақами 1 оид ба теъдоди нашри мақолаҳо ва китобҳо аз давлатҳои Осиёи Марказӣ маҳсуб дониста мешавад ва назар ба дигар нашрияҳо дар чопи мавод пешдастӣ менамояд.

Ёдовар мешавем, ки дар солҳои  2015 ва 2016 аз Ҷумҳурии Тоҷикистон ду олим-Лутфулло Солиев ва Мирганд Шабозов  сазовори мукофот дар бахши «Муаллифони дорои теъдоди зиёдтарини маводи чопӣ»  шуда буданд.

 

Октябрь 4, 2017 15:12

Хабарҳои дигари ин бахш

Имрӯз дар Тоҷикистон гармии ҳаво ба 37 дараҷа мерасад
ТАҚВИМИ АМИТ «ХОВАР»: имрӯз 5 август, сешанбе, 217-умин рӯзи соли 2025 аст
Имрӯз дар Суди Олии иқтисодӣ, Хадамоти иҷро, Маркази тадқиқоти стратегӣ, «Амонатбонк» ва Маркази миллии тестӣ нишасти матбуотӣ баргузор мегардад
Кормандони Кумитаи ҳолатҳои фавқулода ва мудофиаи гражданӣ 20 нафарро аз ғарқшавӣ наҷот доданд
Дар марказҳои саратоншиносии Тоҷикистон низоми муосири бойгонӣ ва интиқоли аксҳои рентгенӣ татбиқ гардид
НИШАСТИ МАТБУОТӢ. Дар ноҳияи Рӯдакӣ беш аз 10 ҳазор ариза барои гирифтани замин дар баррасӣ қарор дорад
5 август дар Суди Олии иқтисодӣ, Хадамоти иҷро, Маркази тадқиқоти стратегӣ, «Амонатбонк» ва Маркази миллии тестӣ нишасти матбуотӣ баргузор мегардад
Дар заминҳои соҳили дарёи Зарафшон ва мавзеи Киштӯдак 1350 бех ниҳоли павловния парвариш карда мешавад
«Интернет барои хона» ҳудудҳои навро дар Душанбе фаро мегирад
Дар шаҳри Панҷакент ҳашари экологии «Тозагии маҳал» гузаронида шуд
Имрӯз дар Тоҷикистон ҳаво тағйирёбандаи бебориш мешавад
ТАҚВИМИ АМИТ «ХОВАР»: имрӯз 4 август, душанбе, 216-умин рӯзи соли 2025 аст