Боғи фарҳангу фароғатии С. Айнӣ аллакай ба хатсайри сайёҳии ширкатҳои сайёҳӣ ворид карда шуд

Ноябрь 30, 2017 16:35

ДУШАНБЕ, 30.11.2017 /АМИТ «Ховар»/. Боғи фарҳангу фароғатии ба номи Садриддин Айнӣ аллакай ба хатсайри сайёҳии ширкатҳои сайёҳӣ ворид карда шуда, ҷиҳати ҷалби сайёҳони ватаниву хориҷӣ ба ин мавзеъ тамоми тадбирҳо андешида шудаанд. Ин суханонро раиси Кумитаи рушди сайёҳии назди Ҳукумати Ҷумҳурии Тоҷикистон Нуъмон Абдуғаффорзода зимни ифтитоҳи Намоишгоҳи сайёҳии «Тоҷикистон- сарзамини ҷолиби сайёҳӣ»  иброз намуд.

Намоишгоҳи сайёҳӣ имрӯз дар Боғи фарҳангу фароғатии ба номи Садриддин Айнӣ бо ташаббуси Кумитаи рушди сайёҳии назди Ҳукумати Ҷумҳурии Тоҷикистон дар ҳамкорӣ бо мақомоти иҷроияи ҳокимияти давлатии шаҳри Душанбе дар заминаи сиёсати созандаи Пешвои миллат бо мақсади рушди бозори сайёҳии кишвар созмон дода шуд.

Дар намоишгоҳ намояндагони Дастгоҳи иҷроияи Президенти Ҷумҳурии Тоҷикистон, Кумитаи рушди сайёҳӣ, мақомоти иҷроияи ҳокимияти давлатии шаҳри Душанбе роҳбарони вазорату идораҳо, сафоратҳои муқими Тоҷикистон, ширкатҳои ҳавопаймоӣ, ширкатҳои сайёҳии ватанӣ, осоишгоҳ ва табобатгоҳҳо, коршиносони соҳа, устодон ва донишҷӯёни риштаи сайёҳии мактабҳои олии кишвар иштирок доштанд. Меҳмонон аз намоишгоҳи ширкатҳои сайёҳӣ, осоишгоҳҳо ва ҳунарҳои дастӣ дидан намуда, ба онҳо баҳои баланд доданд.

Зикр шуд, ки Тоҷикистон дорои захираҳои бойи табиӣ буда, аз ҳар ҷиҳат барои рушди сайёҳии экологӣ, сайёҳии кӯҳӣ ва кӯҳнавардӣ, сайёҳии таърихию фарҳангӣ мусоид ва созгор мебошад. Ҳадаф аз баргузор намудани ин намоишгоҳ муаррифии имкониятҳои хизматрасонии меҳмонхонаҳо, ширкатҳои ҳавопаймоию сайёҳӣ, иншооти санаторӣ-курортӣ буда, ба ин восита густариш додани соҳаи сайёҳӣ дар дохил ва хориҷи кишвар ба ҳисоб меравад.

Ҳамчунин дар Амфитеатри Боғ барномаи фарҳангӣ пешниҳоди меҳмонон гардид.

Хотиррасон мекунем, ки намоишгоҳ пагоҳ ҳам идома меёбад.

Ноябрь 30, 2017 16:35

Хабарҳои дигари ин бахш

Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
«НАВРӮЗ — МЕРОСИ ФАРҲАНГИЮ ҶАҲОНГАРДӢ». Табиати зебои Тоҷикистон дили меҳмонони хориҷиро тасхир намуд
Ба шарафи Наврӯзи бостонӣ дар Кумитаи рушди сайёҳии Тоҷикистон ҳамоиши тантанавӣ доир шуд
Коршиносони олмонӣ дар ҷашни наврӯзии Донишгоҳи байналмилалии сайёҳӣ ва соҳибкории Тоҷикистон иштирок намуданд
Дар шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор гардид
Дар Боғи Ирами шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» бо намоиши ҳунарҳои мардумӣ доир гардид
Дар Намоишгоҳи байналмилалии сайёҳӣ ва меҳмоннавозии Москва имконоти сайёҳии Тоҷикистон муаррифӣ гардид
Масъалаи тақвияти ҳамкории Тоҷикистон ва Ҷопон дар соҳаи сайёҳӣ мавриди баррасӣ қарор гирифт
Ҷаласаи нуҳуми Шурои ҳамоҳангсозии миллӣ оид ба рушди соҳаи сайёҳӣ дар назди Ҳукумати Ҷумҳурии Тоҷикистон баргузор гардид
ФОРУМИ B5+1. Ҳамгироии иқтисодии минтақавии Осиёи Марказӣ тавассути муколамаи давлатӣ ва бахши хусусӣ тақвият меёбад
Дар шаҳраки бостонии Саразм майдони пазироӣ, дарвозаи рамзӣ ва терминали логистикӣ сохта мешавад
РӮЗИ МАТБУОТИ ТОҶИК. Кумитаи рушди сайёҳии Тоҷикистон заҳмати як зумра рӯзноманигоронро қадрдонӣ намуд