ФУТБОЛ: Манучеҳр Ҷалилов ба дастаи наваш дар нахустин бозӣ 4 гол туҳфа намуд!

ДУШАНБЕ, 30.12.2017 /АМИТ «Ховар»/. Бозингари шинохтаи дастаи мунтахаби Тоҷикистон ва собиқ дастаи футболи «Истиқлол»-и Душанбе Манучеҳр Ҷалилов, ки чанде пеш шомили дастаи футболи «Шривиҷая»-и Индонезия гардид, дар нахустин бозии хеш ба задани 4 гол мушарраф шуд.

Тавре аз Федератсияи футболи Тоҷикистон ба хабарнигори АМИТ «Ховар» иттилоъ доданд, Манучеҳр Ҷалилов дар бозии дӯстона ба муқобили дастаи футболи «Бина Читрал Андаран» муаллифи 4 гол шуд.

Бояд зикр кард, ки бозии мазкур бо ҳисоби калони 8:0 ба нафъи дастаи футболи «Шривиҷая» хотима ёфт. Акнун ин натиҷа нишон медиҳад, ки ҳамлагари дастаи мунтахаби Тоҷикистон Манучеҳр Ҷалиловро мавсими пургол ва бобарор дар пеш аст.