ТАҚВИМИ АМИТ «ХОВАР»: Имрӯз 11 декабр, душанбе, 345-умин рӯзи соли 2017 аст. То соли нав 20 рӯзи дигар боқӣ мондааст

Тақвими моро дар ин гӯша

шореҳ Шукӯҳи ДАЛЕР варақ мезанад:

11 декабри соли 2012 дар бӯстонсарои шаҳрии Ҳукумати Ҷумҳурии Тоҷикистон таҳти раёсати Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҷаласаи навбатии Шӯрои миллии рушд баргузор гардид.

***

11 декабри соли 2012 дар шаҳри Куала — Лумпури Малайзия маросими қуръапартоии мусобиқоти Осиё байни дастаҳои футболбозони ҷавон баргузор шуд, ки дастаи мунтахаби Тоҷикистон аз рӯи натиҷаи қуръапартоӣ ба гурӯҳи «С» минтақаҳои Осиёи Марказӣ ва Ҷанубӣ шомил гардид.

***

 2 сол пеш,  11 декабри соли 2015 Пешвои миллат муҳтарам Эмомалӣ Раҳмон ҷиҳати иштирок дар конфронси «Сиёсати бетарафӣ: ҳамкории байналмилалӣ баҳри сулҳ, амният ва рушд» ба Туркманистон сафар карданд.

11 ДЕКАБР ТАҶЛИЛ КАРДА МЕШАВАД:

Рӯзи байналмилалии кӯҳҳо.

РӮЙДОДҲО:

11 декабри соли 2013 вакилони Маҷлиси намояндагони Маҷлиси Олии Ҷумҳурии Тоҷикистон ба созишномаи қарзии байни Ҳукумати Ҷумҳурии Тоҷикистон ва Бонки Исломии Рушд /БИР/ оид ба лоиҳаи «Обтаъминкунии шаҳри Душанбе» илова ворид карданд.

***

11 декабри соли 2014  дар шаҳри Душанбе дар мавзӯи «Нақши ҳизбҳои сиёсӣ дар раванди баргузории интихобот» мизи мудаввар баргузор гардид.

***

165 сол муқаддам, 11 декабри соли 1852 дар Париж куҳнатарин бинои сирк кушода шуд.

***

11 декабри соли 1946 аввалин компютери «Марк-1» ихтироъ карда шуд.

ИНЧУНИН ДАР ИН РӮЗ…

 Соли 1946  Фонди кӯдаконаи СММ (ЮНИСЕФ) созмон дода шуд.