ТАҚВИМИ АМИТ «ХОВАР»: Имрӯз 9 январ, сешанбе, 9-умин рӯзи соли 2018 аст

Тақвими моро дар ин гӯша

шореҳ Шукӯҳи ДАЛЕР варақ мезанад:

9 январи соли 1940 Иттифоқи композиторони Тоҷикистон таъсис дода шуд.

***

14 сол пеш, 9 январи соли 2004 Президенти Ҷумҳурии Точикистон муҳтарам Эмомалӣ Раҳмон вобаста ба ҳодисаҳои офати табиӣ дар Вилояти Мухтори Кӯҳистони Бадахшон бо раиси вақти вилоят Алимамад Ниёзмамадов суҳбати телефонӣ анҷом доданд. Сарвари давлат ба раиси вилоят супориш доданд, ки ҷиҳати ҳарчи зудтар бартараф намудани оқибатҳои офати табиӣ, бахусус расонидани кумак ба оилаҳои зарардида, таъмиру барқароркунии роҳҳо, хатҳои алоқа, барқ ва дигар иншооти маъмурӣ тадбирҳои мушаххас андешад.

***

Дар ин рӯзи соли 2015 Пешвои миллат муҳтарам Эмомалӣ Раҳмон дар бораи Ҷоизаи Президенти Ҷумҳурии Тоҷикистон ба ғолибон ва ҷоизадорони мусобиқаҳои    байналмилалии варзишӣ фармон ба имзо расониданд.

 9 ЯНВАР ТАҶЛИЛ КАРДА МЕШАВАД:

Дар Панама – Рӯзи фидокорӣ.

***

Дар Тайиланд – Рӯзи кӯдакон.

РӮЙДОДҲО:

 9 январи соли 2009 дар Иттифоқи нависандагони Тоҷикистон маросими рӯнамоии китоби нави шоир ва публитсисти номдори тоҷик Зиё Абдулло таҳти унвони «Кубок Симурғ» баргузор гардид.

***

9 январи соли 2014 намояндаи махсуси Дабири Кулли СММ, Роҳбари Маркази минтақавии СММ оид ба дипломатияи пешгирикунанда барои  Осиёи Марказӣ Мирослав Йенча бо сафари дурӯза ба Тоҷикистон омад.

***

2 сол пеш аз ин, 9 январи соли 2015 дар шаҳри Душанбе дурнамои рушд ва афзоиши минбаъдаи ҳамкории иқтисодию тиҷоратӣ миёни Тоҷикистон ва Туркия дар соли 2015 баррасӣ гардид.

***

Дар ин рӯзи соли 2017 дар Шӯрои Маҷлиси намояндагони Маҷлиси Олии Ҷумҳурии Тоҷикистон  лоиҳаи Қонуни Ҷумҳурии Тоҷикистон «Дар бораи ҳифзи рақобат» баррасӣ карда шуд.

***

9 январи соли 1951 дар Ню-Йорк маросими расмии ифтитоҳи бинои СММ баргузор гардид.

***

9 январи соли 1962 Куба ва Иттиҳоди Шӯравӣ созишномаи тиҷоратӣ ба имзо расониданд.

 ИНЧУНИН ДАР ИН РӮЗ …

Соли 1799 аввалин маротиба дар таърихи  чаҳон дар Англия андоз аз даромад ҷорӣ карда шуд.

***

Соли 2007 аввалин iPhone пешниҳод карда шуд.