Шаҳрвандони 112 кишвар ҳуқуқи бо тартиби сода гирифтани раводиди Ҷумҳурии Тоҷикистонро доранд
ДУШАНБЕ, 17.03.2018 /АМИТ «Ховар»/. Бо қарори Ҳукумати Ҷумҳурии Тоҷикистон аз 01 марти соли 2018, № 89 «Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 25 январи соли 2017», №31, «Дар бораи қоидаҳои барасмиятдарорӣ, додани раводид ва раводиди электронии Ҷумҳурии Тоҷикистон ба шаҳрвандони хориҷӣ ва шахсони бешаҳрванд», тағйироту иловаҳо ворид карда шуданд.
Тавре Вазорати корҳои хориҷии Ҷумҳурии Тоҷикистон хабар медиҳад, бо мақсади фароҳам овардани шароити мусоид ҷиҳати будубош дар қаламрави Ҷумҳурии Тоҷикистон ба шаҳрвандони хориҷии то 25 сола, ки аз рӯи таваллуд шаҳрвандии дигар давлатро ба даст овардаанд ва падару модари онҳо шаҳрвандони Ҷумҳурии Тоҷикистон мебошанд, раводиди навъи “ХС3” ҷорӣ карда шудааст. Дар баробари ин, барои гирифтани чунин навъи раводид барои шаҳрвандони болозикр имтиёзҳо дар шакли сода гирифтани раводид ба муҳлати се сол ҳангоми пешниҳоди шаҳодатномаи таваллуд ва нусхаи шиносномаи волидайн пешбинӣ шудааст.
Инчунин ҷиҳати ташкил намудани фазои мусоид барои сайёҳон ва шаҳрвандони хориҷӣ илова ба номгӯи давлатҳое, ки шаҳрвандони онҳо ҳуқуқи бо тартиби сода гирифтани раводиди Ҷумҳурии Тоҷикистонро доштанд, 36 давлати дигар ворид гардида, дар маҷмӯъ номгӯи чунин кишварҳо ба 112 адад расонида шуд.
Ба рӯйхати кишварҳое, ки шаҳрвандони онҳо ҳуқуқи бо тартиби сода гирифтани раводиди Ҷумҳурии Тоҷикистонро доранд, давлатҳои зерин илова карда шуданд:
- Албания
- Антигуа ва Барбуда
- Ҷазираҳои Багам
- Барбадос
- Белиз
- Боливия
- Босния ва Гертсоговина
- Македония
- Гайана
- Гватемала
- Гренада
- Доминика
- Ҷумҳурии Доминикан
- Колумбия
- Коста Рика
- Маврикий
- Ҷазираҳои Малдив
- Панама
- Попуа Гвинеяи Нав
- Парагвай
- Перу
- Салвадор
- Сан Марино
- Сент Винсент ва Гренадин
- Сент Китс ва Невис
- Сент Люсия
- Сербия
- Ҷазираҳои Сейшел
- Суринам
- Тринидад ва Тобаго
- Уругвай
- Фиҷӣ
- Черногория
- Шри Ланка
- Эквадор
- Ямайка
Ҳайати Тоҷикистон дар ҷаласаи Комиссияи СММ оид ба пешгирии ҷиноят ва адлияи ҷиноӣ дар Женева иштирок дорад
Дар Москва машваратҳои муовинони вазирони корҳои хориҷии Созмони Аҳдномаи амнияти дастҷамъӣ баргузор шуд
Дар қароргоҳи ЮНЕСКО бахшида ба Эъломияи Куруши Кабир конфронси илмӣ баргузор шуд
Дар Душанбе машваратҳои сиёсӣ байни вазоратҳои корҳои хориҷии Тоҷикистон ва Нидерланд доир гардид
Ҳамкории Тоҷикистон ва Беларус дар самти аттестатсияи кадрҳои илмӣ баррасӣ гардид
Фаррух Ҳамрализода бо сафири Подшоҳии Нидерланд дар Ҷумҳурии Тоҷикистон Нико Схермерс мулоқот намуд
Cафири Тоҷикистон бо Президенти «Маркази тиҷоратии ҷаҳонӣ»-и иёлати Ютаҳи ИМА вохӯрӣ намуд
Ҳамкории минтақавии кишварҳои Осиёи Марказӣ ва Эъломияи Хуҷанд дар Маркази Авруосиёи Шурои Атлантик баррасӣ шуд
Машваратҳои сиёсӣ байни вазоратҳои корҳои хориҷии Тоҷикистон ва Индонезия баргузор гардиданд
Дар Душанбе ҷаласаи навбатии комиссияи байниҳукуматии Тоҷикистону Эрон доир шуд
РАВАНДИ ОБИ ДУШАНБЕ. Сарвазири Тоҷикистон Конфронси чоруми байналмилалиро натиҷагирӣ намуд
РАВАНДИ ОБИ ДУШАНБЕ. Тоҷикистон мавқеи пешсафи худро дар пешбурди рӯзномаи ҷаҳонии об тасдиқ намуд
