ТАҚВИМИ АМИТ «ХОВАР»: Имрӯз 18 март, якшанбе, 77-умин рӯзи соли 2018 аст

Тақвими моро дар ин гӯша

шореҳ Шукӯҳи ДАЛЕР варақ мезанад:

18 марти соли 2010 дар шаҳри Душанбе Созишнома байни Ҳукумати Ҷумҳурии Тоҷикистон ва Ҳукумати Туркманистон оид ба ҳамкорӣ дар соҳаи алоқа ва иттилоотонӣ ба имзо расид.

***

3 сол пеш, 18 марти соли 2015  Президенти Ҷумҳурии Тоҷикистон Эмомалӣ Раҳмон Қонуни Ҷумҳурии Тоҷикистон «Дар бораи ҳуқуқи истеъмолкунандагон»-ро имзо намуданд.

***

Дар ин рӯзи соли 2016 дар ҷараёни машварати байни вазоратҳои корҳои хориҷии Тоҷикистону Қирғизистон масоили густариши ҳамкории дуҷонибаи тиҷоратӣ-иқтисодӣ, обию энергетикӣ, байнисарҳадӣ, фарҳангию гуманитарӣ ва дигар самтҳо баррасӣ карда шуданд.

 18 МАРТ ТАҶЛИЛ КАРДА МЕШАВАД:

 Дар Россия – Рӯзи полиси андоз.

 ***

Дар Аруба- Рӯзи парчам ва суруди миллӣ.

***

Дар Беларус – Рӯзи қӯшунҳои дохилӣ.

 РӮЙДОДҲО:

18 марти соли 2010 дар шаҳри Душанбе Протоколи ҷамъбастии комиссияи байниҳукуматии Тоҷикистону Афғонистон оид ба масъалаи ҳамкории тиҷоратию иқтисодӣ ба имзо расид.

***

18  марти соли 2010  Созмони  Милали  Муттаҳид ва  Созмони  аҳдномаи  амнияти дастаҷамъӣ дар бораи ба роҳ мондани ҳамкорӣ  декларатсияи муштарак ба   имзо расониданд.

***

7 сол пеш, 18 марти соли 2011 дар шаҳри Москва Форуми байналмилалии иқтисодии давлатҳои узви ИДМ: «20 сол бо ҳам: таҷрибаи ҳамкорӣ ва дастовардҳо» баргузор гардид.

  ***

18 марти соли 1813 дар ИМА дастгоҳи истеҳсолкунии гази  ангишт ихтироъ карда шуд.

***

Дар ин рӯзи соли 1947 Комиссияи иқтисодии СММ барои давлатҳои Осиё ва Шарқи дур таъсис дода шуд.

***

27 сол пеш аз ин, 18 марти соли 1991 дар Россия қонун «Дар бораи милитсия» қабул карда шуд.

***

18 марти соли 1997 хурдтарин клавиатураи компютер сохта шуд, ки 7,62 х 3,048 см ҳаҷм дошт.

 ИНЧУНИН ДАР ИН РӮЗ…

Соли 1900 клуби футболи «Аякс»-и Голландия  таъсис дода шуд.

***

Соли 1965 кайҳоннаварди шӯравӣ Алексей Леонов аввалин маротиба дар таърих ба фазои (кайҳон) боз баромад.