ТАҚВИМИ АМИТ «ХОВАР»: Имрӯз 20 март, сешанбе, 79-умин рӯзи соли 2018 аст

Тақвими моро дар ин гӯша

шореҳ Шукӯҳи ДАЛЕР варақ мезанад:

20 марти соли 2013 Президенти Ҷумҳурии Тоҷикистон Эмомалӣ Раҳмон бинои нави Осорхонаи миллии Тоҷикистонро расман ифтитоҳ намуданд.

***

4 сол пеш, 20 марти соли 2014 дар шаҳри Душанбе Сарвари давлат муҳтарам Эмомалӣ Раҳмон чун анъана дар арафаи Наврӯзи хуҷастапай бо намояндагони сершумори аҳли зиёи ҷумҳурӣ мулоқот намуданд.

***

Дар ин рӯзи соли 2016 дар Маҷмааи давлатии «Кохи Борбад» Симпозиуми байналмилалии адибони ҳавзаи Наврӯз баргузор гардид.

 20 МАРТ ТАҶЛИЛ КАРДА МЕШАВАД:

 Дар Тоҷикистон – Рӯзи зиёиёни эҷодкор.

***

Дар Тоҷикистон – Рӯзи фарҳанг.

***

Рӯзи байналмилалии хушбахтӣ.

***

Рӯзи байналмилалии астрология.

***

Рӯзи забони франсузӣ (СММ) – Рӯзи байналмилалии франкофония.

***

Рӯзи байналмилалии бидуни гӯшт.

  РӮЙДОДҲО:

20 марти соли 2007 дар шаҳри Душанбе бинои нави Маҷмааи нави туркӣ  «Vefa Center» ифтитоҳ гардид.

***

20 марти соли 2014 сомонаи интернетии Вазорати корҳои хориҷии Ҷумҳурии Тоҷикистон ба таври нав фаъол  гардид.

***

164 сол муқаддам, 20 марти соли 1854 дар ИМА ҳизби ҷумҳуриявӣ таъсис дода шуд.

***

Дар ин рӯзи соли 1956 Тунис  ва  соли  1992 Ҷумҳурии Ингушетия соҳибистиқлол  гардиданд.

***

 ИНЧУНИН ДАР ИН РӮЗ…

Соли 2012 аввалин маротиба дар таърихи Тоҷикистон албоми суратҳои «Наврӯз – ҷашни куҳан ва ҷавон» нашр шуд.