ТАҚВИМИ АМИТ «ХОВАР»: Имрӯз 26 март, душанбе, 85-умин рӯзи соли 2018 аст

Тақвими моро дар ин гӯша

шореҳ Шукӯҳи ДАЛЕР варақ мезанад:

26 марти соли 2009  зимни сафари аввалини Президенти Ҷумҳурии Тоҷикистон Эмомалӣ Раҳмон дар Муғулистон 5 санади ҳамкории дуҷониба ба имзо расид.

***

6 сол пеш, 26 марти соли 2012 дар шаҳри Душанбе панҷумин Конфронси ҳамкории минтақавии иқтисодӣ доир ба Афғонистон (RECCA-V) баргузор гардид.

***

Дар ин рӯзи соли 2014 дар Афғонистон Созишнома миёни Ҳукумати Ҷумҳурии Тоҷикистон ва Ҳукумати Ҷумҳурии Исломии Афғонистон оид ба ҳамкорӣ ва ёрии байниҳамдигарӣ дар фаолияти гумрукӣ ба имзо расид.

 26 МАРТ ТАҶЛИЛ КАРДА МЕШАВАД:

Дар Бангладеш – Рӯзи истиқлолият.

***

Дар Ветнам – Рӯзи ҷавонон.

 РӮЙДОДҲО:

26 марти соли 2010 муроҷиатномаи муштараки бизнес-ассотсиатсияи Тоҷикистон ба ташкилотҳои байналмилалӣ нашр карда шуд.

***

Дар ин рӯзи соли 2012 дар шаҳри Душанбе масоили ҳамкории Тоҷикистон ва Созмони Милали Муттаҳид баррасӣ карда шуданд.

***

26  марти соли 2013  дар Маркази исмоилияи шаҳри Душанбе Конфронси минтақавӣ оид ба татбиқи Нармафзорҳои Озод ва Кушодаасос (НОКА) баргузор гардид.

***

4 сол пеш, 26 марти соли 2014 президенти ФИФА Йозеф Блаттер «Соли футболи оммавӣ дар Тоҷикистон»- ифтитоҳ намуда, дар фестивали кӯдакон иштирок намуд.

***

Дар ин рӯзи соли 2014 дар филиали Донишгоҳи давлатии Москва ба номи М.В. Ломоносов дар шаҳри Душанбе маросими кушодашавии намояш-ярмаркаи чоррӯзаи байналмилалии «Таҳсилоти россиягӣ-Душанбе-2014»  баргузор гардид.

 ИНЧУНИН ДАР ИН РӮЗ…

 Соли 1996 Фонди байналмилалии асъор  ба Россия 6,9 миллиард доллар қарз ҷудо намуд, ки дар таърихи фонди мазкур калонтарин қарз ба ҳисоб меравад.