«Пешвои миллат-ташаббускори рушди сайёҳӣ ва эҳёи ҳунарҳои мардумӣ». Конференсияи ҷумҳуриявии илмию амалӣ дар Душанбе

Апрель 27, 2018 16:58

ДУШАНБЕ, 27.04.2018 /АМИТ «Ховар»/.   Имрӯз дар Донишкадаи соҳибкорӣ ва хизмати Вазорати саноат ва технологияҳои нави Ҷумҳурии Тоҷикистон бахшида ба «Соли рушди сайёҳӣ ва ҳунарҳои мардумӣ» Конференсияи ҷумҳуриявии илмию амалӣ таҳти унвони «Пешвои миллат-ташаббускори рушди сайёҳӣ ва эҳёи ҳунарҳои мардумӣ» оғоз гардид, ки ду рӯз идома меёбад.

Тавре мухбири АМИТ «Ховар» хабар медиҳад, дар оғози кори конференсия Вазири маориф ва илми Ҷумҳурии Тоҷикистон Нуриддин Саид, намояндагони Вазорати фарҳанги Ҷумҳурии Тоҷикистон,  Маҷлиси намояндагони Маҷлиси Олии Ҷумҳурии Тоҷикистон,  Кумитаи ҷавонон ва варзиш,   Кумитаи рушди сайёҳӣ  ва донишгоҳу донишкадаҳои ҷумҳурӣ иштирок доштанд.

Вазири маориф ва илми Ҷумҳурии Тоҷикистон Нуриддин Саид зимни суханронии худ зикр кард, ки соҳаи сайёҳӣ дар садаи XXІ дар ҳалли мушкилоти иҷтимоӣ, аз ҷумла бунёди ҷойҳои нави корӣ, болоравии шуғли иқтисодии аҳолии қобили меҳнат ва афзоиши некўаҳволии мардум нақши ҳалкунанда бозида истодааст.

«Имрўз соҳаи сайёҳӣ дар кишварҳое, ки рў ба афзоиш доранд ва дорои иқтидори баланди табиӣ, фарҳангӣ, таърихӣ, табобатӣ, олами нотакрори набототу ҳайвонот, мардуми бофарҳангу меҳмоннавоз ва сатҳу сифати баланди хизматрасонӣ мебошанд, масоили умда ва доғи рўз гардидааст. Тоҷикистон дорои иқтидори баланди сайёҳӣ -рекреатсионӣ буда, ҳудуди он аз захираҳои табиӣ, объектҳои фарҳангии сатҳи миллӣ ва ҷаҳонии фарҳангию таърихӣ ғанӣ мебошад», — зикр намуд Н.Саид.

Ҳамчунин дар конференсияи мазкур иштирокдорон дар мавзӯъҳои «Пешвои миллат-ташаббускори рушди сайёҳӣ ва эҳёи ҳунарҳои мардумӣ», «Татбиқи ташаббусҳои Пешвои миллат-Эмомалӣ Раҳмон вобаста ба рушди соҳаи сайёҳӣ омили пешрафту шукуфоии мамлакат», «Имкониятҳои рушди сайёҳӣ дар Ҷумҳурии Тоҷикистон», «Рушди соҳаи сайёҳӣ ва нақши он дар баланд гардонидани сатҳи даромаднокии давлат» ва «Нақши корхонаҳои хадамоти меҳмонхонадорӣ дар системаи иҷтимоӣ-иқтисодии ҷумҳурӣ» маърӯзаҳо намуданд.

 

Апрель 27, 2018 16:58

Хабарҳои дигари ин бахш

Омӯзгорон ва устоҳои таълими истеҳсолии литсейҳои ВМКБ ба шаҳри Кӯлоб сафари омӯзишию сайёҳӣ намуданд
Аврупо ва Амрико дар барқарорсозии соҳаи сайёҳӣ пешсафанд
«Туту.ру»: Тоҷикистон ба панҷгонаи маъруфтарин кишварҳои мавсими махмалин барои русиягиҳо шомил гардид
«БОМИ ҶАҲОН». Дар Хоруғ Фестивали 15-уми байналмилалии фарҳангӣ ва сайёҳӣ доир мегардад
Дар шаҳри Левакант Маркази иттилоотии сайёҳӣ фаъол гардонида шуд
ТАБИАТ ҶОН БА ИНСОН БАХШАД ИН ҶО. Дар фасли сайру саёҳат ва истироҳату фароғат истироҳатгоҳҳои Тоҷикистон интизори муштариён ва дӯстдорони табиатанд
Шумораи сайёҳони хориҷӣ дар Тоҷикистон қариб 3 маротиба афзудааст
«ТОҶИКИСТОН-САРЗАМИНИ ОБҲОИ ШИФОБАХШ». Таҳти чунин унвон имрӯз Форуми байналмилалӣ доир гардид
Дар шаҳри Панҷакент Маркази хизматрасонӣ ва истироҳатгоҳи «Бешазор» ба истифода дода шуд
Менеҷери ширкати «Зигана – тур»: роҳхатҳои сайёҳӣ ба Туркия 50% гарон шудааст
ЗАХИРАГОҲИ БИОСФЕРИИ «РОМИТ». Эҳтимол меравад ин гӯшаи зебо ва сайёҳии Тоҷикистон ба рӯйхати ЮНЕСКО ворид гардад
КАНГУРТ — ДИЁРИ ПАҲЛАВОНОН. Ба шарафи Истиқлолият ин гӯшаи кӯҳистони Тоҷикистон ба шаҳраки зебою замонавӣ мубаддал гардидааст

Маводҳои таҳлилӣ