«САД РАНГИ ЧАКАН». Дар Душанбе намоиши маҳсулоти гулдӯзӣ баргузор гардид

ДУШАНБЕ, 13.04.2018 /АМИТ «Ховар»/. Имрӯз бахшида ба Соли рушди сайёҳӣ ва  ҳунарҳои мардумӣ дар бинои «Душанбе Мол» («Ашан») намоиши  маҳсулоти гулдузӣ таҳти унвонӣ «Сад ранги чакан» баргузор гардид. Дар ин бора ба АМИТ «Ховар» аз Кумитаи рушди сайёҳии назди Ҳукумати Ҷумҳурии Тоҷикистон хабар доданд.

Ба иттилои манбаъ, намоишгоҳ бо ташаббуси Кумитаи кор бо занон ва оила назди Ҳукумати Ҷумҳурии Тоҷикистон дар ҳамкорӣ бо Кумитаи рушди сайёҳии назди Ҳукумати Ҷумҳурии Тоҷикистон ташкил карда шудааст.

Дар доираи намоишгоҳ барномаи рангини консертӣ бо иштироки ҳунармандон баргузор гардид, ки аз он сокинони пойтахт ва меҳмонону сайёҳони хориҷӣ баҳра бурданд.

Бояд зикр намуд, ки аз ҷониби ташкилкунандагони ҷамъомад  ба  ҳунармандоне, ки дар барномаи консертӣ иштирок доштанд, туҳфаҳои хотиравӣ тақдим карда шуд.