ТАҚВИМИ АМИТ «ХОВАР»: Имрӯз 12 апрел, панҷшанбе, 102-юмин рӯзи соли 2018 аст

Тақвими моро дар ин гӯша

шореҳ Шаҳлои САДРИДДИН варақ мезанад:

12 апрели соли 2015 Президенти Ҷумҳурии Тоҷикистон Эмомалӣ Раҳмон дар шаҳри Дэгуи Ҷумҳурии Корея дар Форуми ҳафтуми ҷаҳонӣ оид ба масъалаҳои об иштирок ва суханронӣ намуданд.

***

Дар ин рӯз, 12 апрели соли 2013 Президенти Ҷумҳурии Тоҷикистон Эмомалӣ Раҳмон бо муовини Сарвазир — Вазири корҳои хориҷии Шоҳигарии Белгия Дидйе Рейндерс мулоқот намуданд.

***

7 сол қабл, 12 апрели  соли 2011 Президенти Ҷумҳурии Тоҷикистон Эмомалӣ Раҳмон Ёвари Котиби давлатии Иёлоти Муттаҳидаи Америка оид ба масъалаҳои Осиёи Ҷанубӣ ва Марказӣ Роберт Блейкро ба ҳузур пазируфтанд.

12 АПРЕЛ ТАҶЛИЛ КАРДА МЕШАВАД:

Рӯзи умумиҷаҳонии авиатсия ва кайҳонавардон.

***

Дар Қазоқистон рӯзи кормандони илм.

РӮЙДОДҲО:

12 апрели соли 2015 дар ҳошияи Форуми ҷаҳонии об дар шаҳри Дэгуи Ҷумҳурии Корея Президенти Ҷумҳурии Тоҷикистон Эмомалӣ Раҳмон бо Президенти Туркманистон Гурбонгулӣ Бердимуҳаммадов мулоқот намуданд.

***

Дар ин рӯз, 12 апрели соли 2013 Президенти Ҷумҳурии Тоҷикистон Эмомалӣ Раҳмон бо Раиси Палатаи намояндагони Парлумони Федералии Белгия Андре Флау вохӯрӣ доир намуданд.

***

2 сол қабл, 12 апрели соли 2016 Агентии миллии иттилоотии Тоҷикистон «Ховар» хабар дод, ки имрӯз таҳти раёсати Сарвазири Ҷумҳурии Тоҷикистон Қоҳир Расулзода  ҷаласаи шонздаҳуми Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ баргузор гардид.

***

12 апрели соли 1941 аввалин даҳаи фарҳанги тоҷик дар шаҳри Москва баргузор гардид.

***

Дар ин рӯзи соли 1961 кайҳонаварди рус Юрий Гагарин аввалин маротиба дар ҷаҳон ба кайҳон парвоз анҷом дод.

ИНЧУНИН ДАР ИН РӮЗ…

Соли 1815 дар натиҷаи  оташфишонии вулқони Тамбора беш аз 10  ҳазор нафар ҷони худро аз даст дод.