Дар шаҳри Бохтар намоиши ҳунарҳои мардумии сокинони Вилояти Мухтори Кӯҳистони Бадахшон ва вилояти Хатлон баргузор гардид
ДУШАНБЕ, 14.05.2018 /АМИТ «Ховар»/. Дирӯз, 13 май дар шаҳри Бохтар намоиши ҳунарҳои мардумии сокинони Вилояти Мухтори Кӯҳистони Бадахшон ва вилояти Хатлон баргузор гардид.
Тавре аз Мақомоти иҷроияи ҳокимияти давлатии вилояти Хатлон ба АМИТ «Ховар» иттилоъ доданд, аз рафти намоиши мазкур, ки дар доираи баргузории Рӯзҳои фарҳанги ВМКБ дар вилояти Хатлон ва бахшида ба Соли рушди сайёҳӣ ва ҳунарҳои мардумӣ ба роҳ монда шуд, раисони вилоятҳо Давлатшоҳ Гулмаҳмадзода, Шодихон Ҷамшед ва дигарон боздид намуда, ба ҳунари иштирокдорон баҳои баланд доданд.
Зикр гардид, ки солҳои охир рушди сайёҳӣ, алалхусус саёҳати дохилӣ яке аз масъалаҳои меҳварии роҳбарияти давлат ва Ҳукумати Ҷумҳурии Тоҷикистон гардида, дар ин самт тадбирҳои мушаххас роҳандозӣ ва татбиқ карда шуданд. Аз ин лиҳоз баргузории чунин намоишгоҳҳо дар дар ин сол мувофиқи мақсад мебошад, зеро он ба рушди саёҳати дохилӣ мусоидат хоҳад кард.
Бояд гуфт, ки дар доираи Рӯзҳои фарҳанги ВМКБ дар вилояти Хатлон чорабиниҳои фарҳангиву театрӣ ва маҳфилҳо, аз ҷумла маҳфили занони Бадахшон ва Хатлон дар мавзӯи «Модарон дар шоҳроҳи Ваҳдат», «Маҳфили адибон» ва «Шоми ҷавонӣ» баргузор гардиданд.
Ёдовар мешавем, ки Рӯзҳои фарҳанги ВМКБ дар вилояти Хатлон 10 май оғоз гардида, имрӯз, 14 май ба анҷом мерасанд.
Ҳайати Донишкадаи давлатии фарҳанг ва санъати Тоҷикистон дар Фестивали байналмилалии донишҷӯёни ИДМ иштирок намуд
ҲАМДИЛӢ АЗ ҲАМЗАБОНӢ БЕҲТАР АСТ. Эҳдо ба Рӯзи бузургдошти Мавлоно Ҷалолиддини Балхӣ
Дар Осорхонаи миллии Тоҷикистон оид ба дастовардҳои Истиқлоли давлатӣ ҳамоиш доир гардид
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
Дар Рим Намоишгоҳи байналмилалии «Тоҷикистон – кишвари ёдгориҳои нодир» ташкил карда мешавад
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
