ТАҚВИМИ АМИТ «ХОВАР»: Имрӯз 1 май, сешанбе, 121-умин рӯзи соли 2018 аст

Тақвими моро дар ин гӯша

шореҳ Шаҳлои САДРИДДИН варақ мезанад:

1 майи соли 1993 300 нафар — аввалин гурезагон аз Афғонистон ба Тоҷикистон баргардонида шуданд.

1 МАЙ ТАҶЛИЛ КАРДА МЕШАВАД:

Рӯзи меҳнат.

***

Рӯзи умумиҷаҳонии мубориза бар зидди бемории диққи нафас.

РӮЙДОДҲО:

1 майи соли 2004 Венгрия, Кипр, Латвия, Литва, Малта, Полша, Словакия, Словения, Чехия ва Эстония ба Иттиҳоди Аврупо шомил шуданд, ки дар таърихи ин созмон бузургтарин ҳамроҳшавии давлатҳо ба шумор меравад.

***

Дар ин рӯз, 1 майи соли 1940 дар Сталинобод аввалин кӯл — «Кӯли Ҷавонон»  ба истифода дода шуд.

***

Дар ин рӯзи соли 1922  дар Россия аввалин хатти байналмилалии ҳавоӣ кушода гардид.

ИНЧУНИН ДАР ИН РӮЗ…

Соли 1884  дар Чикаго сохтмони аввалин бинои серошёна, ки иборат аз 10 ошёна буд, оғоз ёфт.

***

Соли 1899 бори нахуст доруи аспирин ба фурӯш бароварда шуд.