15 июн дар ҳамаи муассисаҳои иҷтимоии вилояти Суғд хони идона густурда мешавад
ХУҶАНД, 13.06.2018. /АМИТ «Ховар»/. Бахшида ба иди Рамазон ва Рӯзи Ваҳдати миллӣ 15 июни соли равон дар 19 муассисаи иҷтимоӣ, аз ҷумла, хона-интернатҳо барои пиронсолон ва маъюбон, муассисаҳои махсуси томактабӣ, мактаб-интернатҳо, мактаби бачагони ятим ва маъюб ва хонаҳои кӯдакони вилояти Суғд аз ҷониби роҳбарони шаҳру ноҳияҳо ва сарпарастони муассисаҳо барои бошандагон дастархонҳои идона ороста шуда, ҳамчунин барномаҳои фарҳангӣ пешниҳод мегарданд.
Дар ин бора ба АМИТ «Ховар» масъулин аз шуъбаи ҳифзи иҷтимоии аҳолии мақомоти иҷроияи ҳокимияти давлатии вилоят иттилоъ доданд.
Бояд гуфт, ки дар рӯзҳои ҳар иду ҷашнвора аёдат ва дасти саховат дароз намудан ба шахсони ниёзманд, яккаву танҳо, кӯдаконе, ки аз навозиш ва меҳру муҳаббати волидон дур мондаанд, амали хайру савоб ба шумор меравад.
Аз ҷумла, дар мулоқоти Пешвои миллат муҳтарам Эмомалӣ Раҳмон бо намояндагони ҷомеаи кишвар 12 майи соли равон доир ба фазилатҳои моҳи шарифи Рамазон, рукнҳои он, таҳаммулпазириву эҳтироми якдигар, раҳму шафқат ва кумак намудан ба эҳтиёҷмандону камбизоатон сухан гуфта шуда, масъулини сохторҳои гуногун вазифадор гардиданд, ки ин қишри ниёзманди ҷомеаро дар ин моҳи хайру сахо дастгирӣ намоянд.








АЗ ДИРАФШИ КОВИЁНӢ ТО ПАРЧАМИ ДАВЛАТӢ. Мулоҳизаҳо доир ба оини парчамдории тоҷикон дар масири таърих
Имрӯз дар водиҳои Тоҷикистон хаво 24 дараҷа гарм мешавад
Дар Ваҳдат Фестивали намоиш – фурӯши чорвои зотӣ баргузор гардид
Дар Душанбе ҳамоиши ҷавонони соҳаи геология баргузор гардид
МегаФон Тоҷикистон: МегаҚувва гигабайтҳоро дучанд менамояд
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид






