Филми тоҷикии «Сафари ҳавоӣ» дар Чин сазовори «Ҷоизаи махсуси ҳакамон» гардид
ДУШАНБЕ, 19.06.2018 /АМИТ «Ховар»/. Аз 13 то 17 июни соли 2018 дар шаҳри Чиндаои Чин нахустин Фестивали синамои давлатҳои аъзои Созмони ҳамкории Шанхай доир гардид.
Фестивали мазкур бо ибтикори Раёсати давлатии кинематографияи Чин, Ҳукумати мардумии музофоти Шандун, бо дастгирии Вазорати корҳои хориҷии Чин ва Котиботи Созмони ҳамкории Шанхай дар сатҳи зарурӣ баргузор шуда, дар он ҳайатҳо иборат аз роҳбарият ва мутахассисони соҳаи кинои 8 давлати аъзои СҲШ ва 4 кишвари нозир ширкат варзиданд.
Тавре аз Сафорати Ҷумҳурии Тоҷикистон дар Ҷумҳурии Мардумии Чин хабар доданд, ҳайати Ҷумҳурии Тоҷикистон таҳти роҳбарии директори Муассисаи давлатии «Тоҷикфилм» Носир Раҳмон ва 12 нафар коргардонҳову ҳунарпешаҳои шинохтаи тоҷик дар Фестивал иштирок дошт.
Фестивали мазкур дар 8 давр доир гардида, дар он 55 филми беҳтарин аз 8 давлати аъзои СҲШ ва 4 кишвари нозир намоиш дода шуданд. Аз ҷониби 12 нафар аъзои ҳайати ҳакамон аз ҳисоби коргардонҳои маъруфи кинои ҷаҳонӣ (аз ҷумла, раиси синамогарони Тоҷикистон Сафар Ҳақдодов) мавриди баррасӣ қарор гирифтанд.
Ҷумҳурии Тоҷикистон ба Фестивал филмҳои коргардон Носир Саидов «Оинаи беҷило» ва «Муаллим», Румӣ Шоазимов «Хоби маймун», Далер Раҳматов «Сафари ҳавоӣ»-ро пешниҳод намуда буд.
Дар маросими пӯшидашавии нахустин Фестивали кинои СҲШ, ки шоми 18 июни соли 2018 дар шаҳри Чиндао доир гардид, филми «Сафари ҳавоӣ»-и коргардони тоҷик Далер Раҳматов сазовори «Ҷоизаи махсуси ҳакамон» гардид.
Филмҳои истеҳсоли коргардонҳои тоҷик аз ҷониби ҳайати ҳакамон, иштирокдорони Фестивал ва тамошобинони чинӣ истиқболи гарму самимӣ ёфтанд.
Мавриди зикр аст, ки дар ҳошияи Фестивал Телевизиони марказии Чин «CCTV-Русский» дар асоси ёддошти тафоҳум оид ба ҳамкорӣ тасмим гирифт, ки филми коргардони маъруф Носир Саидов «Оинаи беҷило» ва дигар филмҳои истеҳсоли «Тоҷикфилм»-ро дар саросари Чин ба намоиш гузорад.
Ҳамчунин ҷониби чинӣ изҳори омодагӣ намуд, ки дар муассисаҳои таҳсилотии соҳаи кино тайёр намудани мутахассисони ҷавонро барои кишварҳои аъзои СҲШ, аз ҷумла, Ҷумҳурии Тоҷикистон ба роҳ хоҳад монд.
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
Дар Хуҷанд даври шаҳрии Озмуни ҷумҳуриявии «Тоҷикистон— Ватани азизи ман» оғоз шуд
Рӯзҳои кинои Ҷумҳурии Тоҷикистон дар Ҷумҳурии Қирғизистон ифтитоҳ гардиданд
