Курси бозомӯзии масъулини ҲХДТ дар шаҳри Душанбе ба анҷом расид
Кумитаи иҷроияи Ҳизби халқии демократии Тоҷикистон дар шаҳри Душанбе натиҷаҳои курси бозомӯзии думоҳаро ҷамъбаст ва ба иштирокчиёни он шаҳодатнома супорид.
ДУШАНБЕ, 23.06.2018. /АМИТ «Ховар»/. Тавре хабарнигори АМИТ «Ховар» иттилоъ медиҳад, 22 июни соли 2018 дар Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон бахшида ба ҷамъбасти курси бозомӯзии масъулини кумитаҳои иҷроияи Ҳизби Халқии Демократии Тоҷикистон (ҲХДТ) дар шаҳри Душанбе ҳамоиши ҷамъбастӣ доир гардид.
Курсҳои бозомӯзии мазкур дар доираи иҷрои дастуру супоришҳои Раиси Ҳизби Халқии Демократии Тоҷикистон муҳтарам Эмомалӣ Раҳмон доир карда шуданд. Дар ҷамъомад муовини раиси ҲХДТ Раъно Бобоҷониён, олимону коршиносон, аъзои Раёсати Кумитаи иҷроияи ҲХДТ ва дигар аъзои ҳизб иштирок ва суханронӣ намуданд.
Раиси Кумитаи иҷроияи ҲХДТ дар шаҳри Душанбе Зоир Раҳмонзода зикр намуд, ки мақсад аз ташкили курсҳо ташаккули ҷаҳонбинии сиёсии кормандони масъули ҳизбии шаҳри Душанбе ҷиҳати дарки саривақтии авзои сиёсии ҷомеа, тақвияти мактаби сиёсии Пешвои миллат ва тайёрӣ ба маъракаҳои сиёсии муҳими давлатӣ мебошад.
Муовини Раиси ҲХДТ Раъно Бобоҷониён баргузории чунин курсҳои бозомӯзиро саривақтӣ ва муҳим арзёбӣ намуда, иброз дошт, ки ин барои баланд бардоштани сатҳи донишу малакаи сиёсии аъзои ҷавони ҳизб мусоидат мекунад.
Дар фарҷоми ҳамоиш шунавандагони курси бозомӯзӣ бо шаҳодатномаи Кумитаи иҷроияи ҲХДТ дар шаҳри Душанбе сарфароз гардонида шуданд.
Шароит ва имконияти таҳсил дар Коллеҷи омори шаҳри Ваҳдат беҳтар карда мешавад
ИҚТИСОДИ «САБЗ». Тоҷикистон барои амалисозии он заминаи муносиб фароҳам овард
Дар вилояти Суғд ҳаҷми истеҳсоли тухм афзоиш меёбад
Имрӯз дар шаҳри Душанбе ҳаво то 34 дараҷа гарм мешавад
Бахшида ба Рӯзи Ваҳдати миллӣ дар ҶДММ «Бозори Корвон плюс» вохӯрӣ доир шуд
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
