Нархи тарбуз дар бозорҳои Душанбе баланд шудааст. Чаро?
ДУШАНБЕ, 14.07.2018 /АМИТ «Ховар»/. Ҳоло ки фасли тобистон аст, ҳамаи меваю сабзавот ба пуррагӣ пухта расидаанд. Ҳамчунин дар бозорҳои ҷумҳурӣ имсол меваю сабзавот фаровон буда, бештари он нархи дастрас доранд. Вале дар баробари фаровонии меваю сабзавот имрӯз нархи тарбуз боло рафта, пасттарин нархи он 8-10 сомониро ташкил медиҳад.
Гаронии нархи тарбузро муовини директори Корхонаи воҳиди давлатии «Бозори деҳқон» Мастон Шарипов ба гармшавии ҳаво рабт дода, ба хабарнигори АМИТ «Ховар» иброз дошт, ки аз сабаби ҳарорати баланд имсол гулу буттаҳои тарбуз зарар дида, рӯ ба хушкшавӣ ниҳоданд. Ин сабаб гардид, ки тарбуз ба бозорҳо кам ворид гардад. Аз ин рӯ ҳафтаи охир нархи он дар бозорҳо баланд шуд.
«То имрӯз ба бозорҳои пойтахт тарбузу харбуза аз навоҳии вилояти Хатлон ворид карда мешуд. Ҳоло ин навъи маҳсулот дар минтақаи мазкур хеле кам аст, ки ин низ яке аз сабабҳои болоравии нархи тарбуз маҳсуб мешавад»,- мегӯяд Мастон Шарипов.
Ба гуфтаи муовини директори «Бозори деҳқон», айни замон тарбузҳои ноҳияи Фархор пухта, барои фурӯш ба шаҳри Душанбе ворид карда шудаанд.
Дар ноҳияи Зафарободи вилояти Суғд низ тарбузҳоро чида, омода кардаанд, ки рӯзҳои наздик барои фурӯш ба шаҳри Душанбе ворид карда мешаванд. Ин метавонад ба танзими нархи тарбуз мусоидат намояд ва нархи он дар бозорҳо паст шавад.
Фурӯшандаи бозори Саховат Ҷамшед Сафаров мегӯяд, ки имсол содироти тарбуз ба ҷумҳуриҳои Афғонистон ва Ӯзбекистон афзуда, сабаби асосии болоравии ин навъи маҳсулот дар бозорҳои пойтахт гардидааст.
Ба гуфтаи ӯ, ҳоло нархи тарбуз дар бозорҳои пойтахт аз 10 то 20 сомониро ташкил медиҳад.
МАСЛИҲАТИ МУТАХАССИС. Барги гелос барои бемориҳои сулфа, диққи нафас ва ҷароҳати гӯш фоидаовар аст
СУЛҲ НЕЪМАТЕСТ, КИ ТАМОМИ МИЛЛАТҲОВУ ДАВЛАТҲО БА ОН НИЁЗ ДОРАНД. Мулоҳизаҳои академик Қобилҷон Хушвахтзода дар ин мавзуъ
ТАЪТИЛИ ТОБИСТОНА. Китобхонаҳо ва марказҳои омӯзишӣ барои рушди зеҳнии хонандагон чӣ имконият фароҳам меоранд?
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
ДАҲСОЛАИ ТАҲКИМИ СУЛҲ БА ХОТИРИ НАСЛҲОИ ОЯНДА. Ин ташаббуси бузурги глобалӣ барои сайёраи бехатар мебошад
Адрасбоф Гулбону Наврӯзова: «Ҳадафи мо эҳёи ҳунарҳои миллӣ ва бо ҷойи кор таъмин намудани занону духтарон аст»
МАСЛИҲАТИ МУТАХАССИС. Зардолу чӣ дар шакли тару тоза ва хушкаш фоидаовар мебошад
ПАЙВАНДИ ИНСОН БО ТАБИАТ ДАР «ШОҲНОМА»-И ФИРДАВСӢ. Мулоҳизаҳои Академик Фарҳод Раҳимӣ дар ин мавзуъ
Акбар Эронӣ: «Ибтикори Президенти Тоҷикистон оид ба таъсиси Ҷоизаи байналмилалии Ибни Сино иқдоми мондагор ва ояндасоз аст»
Рушди иқтисоди рақамӣ заминаи устувори пешрафти Тоҷикистон мебошад
Ташаббуси оламшумули Пешвои миллат дар самти таҳкими сулҳ ҷонибдорӣ ёфт
