Намояндагон-хабарнигорони агентиҳои иттилоотии ИДМ аз Қалъаи Ҳисор ва боғҳои шаҳдбори ангур дидан мекунанд
ДУШАНБЕ, 11.08.2018. /АМИТ «Ховар»/. Тавре қаблан иттилоъ дода будем, дар доираи баргузории ҷаласаи Шӯрои ИДМ оид ба сайёҳӣ рӯзҳои 10-11 августи соли равон бо ташаббуси Агентии миллии иттилоотии Тоҷикистон «Ховар» ва Шӯрои агентиҳои иттилоотии давлатии кишварҳои аъзои ИДМ дар ҳамкорӣ бо Кумитаи рушди сайёҳии назди Ҳукумати Ҷумҳурии Тоҷикистон сайру сайёҳат — пресс-тур ба маконҳои таърихию фарҳангии шаҳрҳои Душанбе, Ҳисор ва Турсунзода ташкил карда мешавад. Субҳи имрӯз намояндагони ВАО-и кишварҳои Россия, Қазоқистон, Қирғизистон, Ӯзбекистон ва Тоҷикистон ба мавзеи таърихии Қалъаи Ҳисор сафар карданд.
Тавре хабарнигори АМИТ «Ховар», ки ин гурӯҳи рӯзноманигоронро ҳамроҳӣ мекунад, хабар дод, зимни боздид аз ин макони тамошобоб меҳмонон бо таъриху фарҳанги қадимаи халқи тоҷик ошно шуда, боз як бори дигар боварӣ ҳосил намуданд, ки миллати тоҷик дорои тамаддуни ҷаҳонӣ буда, чеҳраҳои оламшумули он бо бозёфту осори нодири худ дар пешрафти маданияти халқҳои гуногуни дунё нақши муҳим бозидааст.
Ҳангоми тамошои ин макони сайёҳиву таърихӣ, ки зери роҳбаладии масъулини Кумитаи рушди сайёҳии назди Ҳукумати Ҷумҳурии Тоҷикистон сурат гирифт, оид ба таърихи бунёди Қалъаи Ҳисор ва давраҳои гуногуни он маълумоти зарурӣ пайдо намуданд. Тамошои ин мавзеи таърихии кишвар ба рӯзноманигорон таассуроти зиёд бахшид.
Ба иттилои манбаъ, ба меҳмонон тартиби қабулу гусели сайёҳон, пешниҳод намудани ҷойҳои истироҳатӣ, ҳамчунин намунаи ҳунарҳои мардумӣ намоиш дода шуд.
Мавриди зикр аст, ки дирӯз дар Душанбе ҷаласаи навбатии Шӯрои ИДМ оид ба сайёҳӣ баргузор гардид. Ҳадаф аз ҳамоиши мазкур муаррифии имкониятҳои сайёҳии кишварҳои ИДМ, аз ҷумла Тоҷикистон, баррасии мушкилоти мавҷуда, муҳокимаи масъалаҳои муҳими соҳа, роҳҳои тақвият бахшидан ба ҳамкориҳо дар ин бахш, омӯзиши таҷрибаи судманд маънидод карда шуд.
Тибқи нақша нимаи дуюми рӯз меҳмонон аз боғҳои ангури ноҳияи Шаҳринав ва шаҳри Турсунзода боздид карда, бо навъҳои гуногуни ангур, ки дар водии Ҳисор парвариш карда мешавад, шинос мегарданд.
Акрам САНГЗОДА,
АМИТ «Ховар»
Дар Донишгоҳи байналмилалии сайёҳӣ ва соҳибкории Тоҷикистон ғолибони Олимпиадаи байналмилалӣ қадрдонӣ карда шуданд
Дар Донишкадаи байналмилалии Левакант конфронси илмӣ-амалӣ доир гардид
Дар Душанбе ҳамкории давлат, илм ва бахши хусусӣ дар таъмини рушди устувори соҳибкорӣ муҳокима гардид
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои таҳсилоти олии Русия тақвият меёбад
Ба муносибати Рӯзи пойтахт хатсайри сайёҳии «Сайри шомгоҳии Душанбе» ташкил карда мешавад
Дар конфронси байналмилалӣ тамоюлҳои муосири таъмини ҳуқуқии рушди устувор, рақамикунонӣ ва зеҳни сунъӣ баррасӣ шуданд
САЙЁҲӢ — МУҲАРРИКИ РУШДИ УСТУВОР. Дар Душанбе дар ин мавзуъ конфронси байналмилалӣ баргузор шуд
Форуми сеюми байналмилалии «Суғд–чорроҳаи Роҳи Бузурги Абрешим» оғоз шуд
Донишгоҳи байналмилалии сайёҳӣ ва соҳибкории Тоҷикистон расман ҳамоҳангсози миллии шабакаи «UI GreenMetric» ва ташаббусҳои «сабз» дар Тоҷикистон гардид
Бахшида ба Рӯзи пойтахти Ҷумҳурии Тоҷикистон намоиши аксҳои Душанбе оғоз ёфт
ДАРАХТИ ДӮСТӢ БИНШОН. Ректорони донишгоҳҳои «сабз» беш аз 50 бех ниҳоли дарахти ҳамешасабз шинониданд
Дар Душанбе Форуми байналмилалии «Ҳамкорӣ ба хотири рушди устувор. Сабз. Рақамӣ. Ҳушманд» оғоз шуд
