«ҲУНАРМАНДОНИ МАРДУМӢ». Ҳунарпешаи халқии Тоҷикистон Бурҳониддин Раҷабов дар бораи ҳунарҳои мардумии сарзамини Хатлон китоб навишт
ДУШАНБЕ, 25.08.2018. /АМИТ «Ховар»/. «Ҳунармандони мардумӣ»- таҳти чунин ном бахшида ба Соли рушди сайёҳӣ ва ҳунарҳои мардумӣ китоби нави сардори Раёсати фарҳанги Мақомоти иҷроияи ҳокимияти давлатии вилояти Хатлон, Ҳунарпешаи халқии Ҷумҳурии Тоҷикистон Бурҳониддин Раҷабов ба табъ расид.
Тавре аз Маркази матбуоти Вазорати фарҳанги Ҷумҳурии Тоҷикистон ба мухбири АМИТ «Ховар» хабар доданд, асари нав дар бораи ҳунармандони мардумии вилояти Хатлон ба хонанда маълумот медиҳад.
«Дар замони истиқлол имконият пайдо гашт, ки тамоми ҳунарҳои мардумӣ рушд намоянд, мисли табақтарошӣ, сандуқсозӣ, чумчаҳои урфӣ, сохтани асбобу анҷоми сафолӣ, бозичаҳои сафоливу чӯбиву латтагӣ акнун аз нав эҳё гардиданд», -омадааст дар сароғози китоб.
Бояд зикр намуд, ки ҳунарҳои мардумӣ дар баробари ба санъат дохил шуданашон, ҳамчун қисми ёрирасон дар хоҷагии халқ истифода бурда мешаванд. Ҳамаи ин ба таври анъанавӣ аз давраи қадим то ба имрӯз, аз авлод ба авлод, аз бобою бибӣ ба набераҳо мерос мондаанд.
Ин китоб бозгӯи ҳунарҳои мардумии сарзамини Хатлон буда, барои насли навраси имрӯзу фардо имкон медиҳад, ки аз нозукиҳои касбу ҳунари аҷдодӣ бохабар бошанд.
Ассотсиатсияи миллии сайёҳии Тоҷикистон таъсис дода шуд
Шоҳкориҳои табиии «Чилдухтарон» қалби ҳазорон нафар сайёҳони дохилию хориҷиро тасхир месозад
Бахшида ба Рӯзи Ваҳдати миллӣ дар Донишгоҳи байналмилалии сайёҳӣ ва соҳибкории Тоҷикистон ҳамоиши илмӣ баргузор шуд
Дар Хатлон беш аз 940 ёдгории таърихиву фарҳангӣ мавҷуд аст
Форум ва намоишгоҳи байналмилалии сайёҳии «Хатлон — сарзамини тамаддунҳо ва саёҳат» оғоз гардид
Моҳи август «Фестивали тобистонаи Душанбе – 2026» баргузор мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
«RED BUS TOURS». Имрӯз дар Душанбе мавсими нави хатсайрҳои сайёҳии дохилишаҳрӣ оғоз мегардад
ЗЕБОИҲОИ НОТАКРОРИ ТАБИАТИ ДАРАИ СИЁМА. Он қалби иштирокдорони Конфронси чоруми сатҳи баланди оби Душанберо тасхир намуд
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
Коршиносони хориҷӣ нақши Тоҷикистонро чун давлати ташаббускор дар ҳалли масъалаҳои глобалии обу иқлим назаррас арзёбӣ намуданд
