«САҲНА-БИДУНИ САРҲАД». Намоиши «Шабе дур аз Ватан» дар Фестивали байналмилалӣ ба намоиш гузошта мешавад
ДУШАНБЕ, 16.10.2018. /АМИТ «Ховар»/. Театри давлатии ҷавонони Тоҷикистон ба номи М. Воҳидов аз 20 то 27 ноябри соли равон дар Фестивали байналмилалии театрҳои миллӣ — «Саҳна-бидуни сарҳад», ки дар шаҳри Владикавкази Федератсияи Россия баргузор мегардад, ширкат меварзад.
Дар фестивали мазкур аҳли ҳунари Театри давлатии ҷавонони Тоҷикистон бо роҳбарии директори театр, Ҳунарпешаи шоистаи Ҷумҳурии Тоҷикистон Толиб Бобоев намоиши «Шабе дур аз Ватан»-ро пешниҳоди мухлисони театр хоҳанд кард.
Намоиши мазкур аз зиндагии шоири шинохтаи тоҷик Бозор Собир нақл намуда, онро коргардон Нозим Меликов рӯи саҳна овардааст. Дар намоиш ҳунарпешагони театр Абдумӯъмин Шарифӣ ва Сӯҳроб Ҷанҷолов нақш меофаранд.
Ёдовар мешавем, ки «Шабе дур аз Ватан» ғолиби Озмуни ҷумҳуриявии театрҳои касбӣ «Парасту-2011» буда, дар ҷашнвораҳои байналмилалӣ дар Афғонистон, Молдова, Қазоқистон, Қирғизистон ва Россия санъати театрии тоҷикро муаррифӣ кардааст.
«Шабе дур аз Ватан» соли гузашта низ дар шаҳри Владикавкази Федератсияи Россия сазовори баҳои баланд гардида буд.
Доир ба саҳми Эмомалӣ Раҳмон дар татбиқи стратегияи рушди Ҷумҳурии Тоҷикистон китоби нав рӯнамоӣ гардид
Таҳти унвони «Президент — шаҳсутуни истиқлол ва давлатдории миллӣ» конференсияи ҷумҳуриявӣ доир шуд
Ҷилди сеюми китоби «Абармарди таърихсоз»-и академик Фарҳод Раҳимӣ ба нашр расид
Ҳамкории Тоҷикистон ва Қазоқистон дар соҳаи ҳифзи мероси фарҳангӣ ва хаттӣ густариш меёбад
Дар ёдгории таърихии Қалъаи «Золи Зар»-и ноҳияи Данғара корҳои сохтмонӣ оғоз гардиданд
Намоиши «Достони Сиёвуш» дар Москва ба саҳна гузошта шуд
Намоишномаи мазҳакавии таҳти унвони «Хоҳ биёӣ, хоҳ наё» дар Москва ба саҳна гузошта шуд
Ҳайти эҷодии Тоҷикистон дар Фестивали V байналмилалии театрӣ дар Ашқобод ҳунари миллии театриро муаррифӣ намуд
Бузургтарин ситораҳои санъати Тоҷикистон дар Театри ба номи Лоҳутӣ тарбия ёфтаанд
РӮЗИ ТЕАТРИ ТОҶИК. Дар Тоҷикистон беш аз 20 театри халқӣ фаъолият мекунад
Дар Душанбе бахшида ба Рӯзи театр ҳамоиш доир гардид
