Ҳунармандони Театри давлатии драмавии ба номи В. Маяковский бо барномаи ҳунарӣ ба шаҳри Оренбурги Россия сафар мекунанд
ДУШАНБЕ, 31.10.2018. /АМИТ «Ховар»/. Аз 1 то 5 ноябри соли равон аҳли эҷоди Театри давлатии драмавии ба номи В. Маяковский ба шаҳри Оренбурги Федератсияи Россия сафари ҳунарӣ анҷом медиҳанд.
Тавре зимни суҳбат бо хабарнигори АМИТ «Ховар» муовини директори театри мазкур Гулнора Ахмедова иброз дошт, ҳунармандони тоҷик дар Оренбург намоиши «Омӯрзиши Умари Хайём» -ро, ки аз ҷониби Ҳунарманди халқии Ҷумҳурии Тоҷикистон, дорандаи Мукофоти давлатии Рӯдакӣ, коргардон Баҳодур Миралибеков ба саҳна гузошта шудааст, манзури бинандагон менамоянд. Асари мазкур ба қалами шоир ва драматурги тоҷик Темур Зулфиқоров тааллуқ дорад.
Нақшҳои асосиро ҳунармандон Х. Мустафаев, М. Дадаева, М. Яммолик, А. Дӯстов ва Д. Мурзинов иҷро хоҳанд кард.
«Умари Хайём дар таърихи фарҳанги мардумони Шарқ яке аз бузургтарин шоирону файласуфон ва риёзидонону ҳайъатшиносон буда, дар соҳаи тиб, мусиқӣ, ҷуғрофия ва илму ҳунарҳои дигар низ аз устодони комил ба шумор меравад».
Дар саҳнаи театр ақидаи ҳазломези донишманд дар бораи табиати инсон ва арзишҳои абадӣ ба намоиш гузошта мешавад. Ҳунармандони театри русии Тоҷикистон тавассути ин асар зебоии фарҳанги Шарқро ба ҳамагон намоиш медиҳанд. Инчунин зимни пешниҳоди спектакл ба ҳаёти имрӯза алоқамандии зич доштани фалсафаи Умари Хайём нишон дода мешавад.
Ҳамчунин зимни сафар ҳунармандони театри В. Маяковский намоиши «Кулчача»-ро, ки аз рӯи пйесаи Олга Емелянова таҳия гардидааст, ба тамошобинони хурдсол пешкаш хоҳанд кард. Дар ин асар қаҳрамон бо тамоми ҷасорату зиракиаш бадкоронро мағлуб менамояд.
«ҲУНАР БЕҲТАР АЗ ЗАР БУВАД». Дар Бадахшон даври вилоятии фестивали ҳунармандон ҷамъбаст гардид
«САЙРИ ГУЛИ ЛОЛА». Имрӯз дар Боғи фарҳангӣ-фароғатии ба номи Абулқосим Фирдавсӣ даври ҷумҳуриявии озмун баргузор мегардад
«БО ҲАМ». Дар Осорхонаи миллӣ намоиши асарҳои рассомони муосири тоҷик оғоз шуд
Муовини вазири корҳои хориҷии Ҷумҳурии Мардумии Чин Қалъаи Ҳисорро тамошо намуд
Чор иншооти муҳими шаҳри қадимии Панҷакент барқарор карда шуд
Дар Институти физикаю техника озмоишгоҳи замонавӣ ба истифода дода шуд
Дар мактаби миёнаи № 35-и шаҳри Минск ба номи Домулло Азизов барномаи фарҳангӣ доир шуд
Дар пояи муҷассамаи Ҳаким Абулқосим Фирдавсӣ дар шаҳри Рими Италия аз номи Пешвои миллат Эмомалӣ Раҳмон гулчанбар гузошта шуд
Дар Душанбе конференсияи байналмилалии «Густариши ҳамкории мамлакатҳои Осиёи Марказӣ дар бахши обу энергетика» идома меёбад
Дар Бохтар аввалин Фестивал-намоишгоҳи байналмилалии донишгоҳҳои давлатҳои хориҷӣ баргузор гардид
Дар мавзуи «Паёми Президенти Тоҷикистон ва масъалаҳои рушди фаъолияти китобдорӣ ва бойгонишиносӣ» ҳамоиш доир шуд
Дар Академияи миллии илмҳои Тоҷикистон бо ҳайати намояндагони Академияи илмҳои Чин вохӯрӣ доир шуд
