«ПАЙҒОМУ САЛОМ — АЗ БОМИ ҶАҲОН!». Таҳти чунин унвон дар Бадахшон фестивали минтақавии сайёҳӣ баргузор мегардад
ДУШАНБЕ, 28.11.2018 /АМИТ «Ховар»/. Бо ташаббуси Кумитаи рушди сайёҳии назди Ҳукумати Ҷумҳурии Тоҷикистон бахшида ба Соли рушди сайёҳӣ ва ҳунарҳои мардумӣ таҳти сарпарастии Президенти Федератсияи футболи Тоҷикистон Рустами Эмомалӣ аз 29 ноябр то 2 декабри соли равон дар Вилояти Мухтори Кӯҳистони Бадахшон фестивали минтақавии сайёҳӣ таҳти унвони «Пайғому салом — аз Боми ҷаҳон!» баргузор мегардад.
Тавре аз Кумитаи рушди сайёҳӣ ба АМИТ «Ховар» хабар доданд, дар фестивали минтақавии сайёҳӣ намояндагон аз ҳама минтақаҳои ҷумҳурӣ ҷалб гардида, давоми 4 рӯз аз мавзеъҳои таърихию фарҳангӣ ва минтақаҳои сайёҳии ноҳияҳои Вилояти Мухтори Кӯҳистони Бадахшон дидан менамоянд.
Ҳамзамон, дар фестивали мазкур намоиши захираҳои сайёҳӣ, ҳунарҳои мардумӣ, конфронси миллии сайёҳӣ вобаста ба имкониятҳои рушди сайёҳӣ дар Тоҷикистон, хўрокҳои миллӣ ва анъанаҳои қадимаи мардуми ВМКБ дар назар дошта шудааст.
Ёдовар мешавем, ки чунин фестивалҳо давоми соли равон дар дигар минтақаҳои ҷумҳурӣ, аз ҷумла таҳти унвонҳои «Марҳамат ба Хатлон», «Марҳабо ба Суғди бостон» ва «Хайрамақдам ба водии Рашт» баргузор гардиданд.
Чорабиниҳои мазкур бо мақсади мусоидат намудан ба рушди устувори сайёҳӣ, ҷалби таваҷҷуҳи ҷомеа ба соҳаи сайёҳӣ ва дар ин замина шиносоии намоядагони касбу кори гуногун ба воситаи сайёҳӣ аз дастовардҳои замони истиқлолият дар минтақаҳои ҷумҳурӣ, фаъол гардонидани хатсайрҳои сайёҳӣ, баланд бардоштани сифати хизматрасонии соҳа ва рушди сайёҳии дохилӣ роҳандозӣ гардидаанд.
Озмуни «Беҳтарин акси шаҳри Душанбе» оғоз шуд
«БЕҲТАРИН РОЛИКИ САЙЁҲИИ ШАҲРИ ДУШАНБЕ». Бо мақсади тарғибу ташвиқи имконоти сайёҳии пойтахт озмун оғоз ёфт
Дар Форуми STI имконияти сармоягузорӣ ва сайёҳии Тоҷикистон муаррифӣ гардид
РУШДИ САЙЁҲӢ ДАР ДЕҲОТ. «Қайнар» мавзеи таърихию фароғатии ноҳияи Восеъ маҳсуб мешавад
«TRAVEL HUB». Моҳи сентябр дар Душанбе намоишгоҳи сайёҳӣ доир мегардад
«МАЙДОНИ ИСТИҚЛОЛ». Ин иншооти муҳташам ва сайёҳии шаҳри Душанбе аст, ки дили сокинону меҳмонони пойтахтро тасхир кардааст
Ҷаласаи Шурои ҳамоҳангсози фаъолияти соҳаи сайёҳӣ дар Душанбе баргузор гардид
Бо намояндагии Барномаи рушди Созмони Милали Муттаҳид дар Тоҷикистон оид ба сайёҳии кишоварзӣ мулоқот доир шуд
Намояндагони Тоҷикистон дар ҳамоиши байналмилалӣ оид ба сайёҳӣ иштирок намуданд
Намояндагони Кумитаи рушди сайёҳии Тоҷикистон дар Боку дар форуми танзимгарони сайёҳии Созмони ҳамкории иқтисодӣ иштирок доранд
Дар Душанбе баргузории намоишгоҳҳои рассомон дар Тоҷикистон ва Олмон баррасӣ шуд
Донишгоҳи байналмилалии сайёҳӣ ва соҳибкории Тоҷикистон дар Хоруғ олимпиадаи минтақавӣ доир намуд
