Парлумони Тоҷикистон ҷалби ҷавононро ба ташкилотҳои террористию экстремистӣ маҳкум менамояд
ДУШАНБЕ,09.11.2018. /АМИТ «Ховар»/. Дирӯз таҳти раёсати муовини якуми Раиси Маҷлиси намояндагони Маҷлиси Олии Ҷумҳурии Тоҷикистон Абдуҷаббор Азизӣ бо иштироки вакилони Маҷлиси намояндагон ва роҳбарони як зумра сохторҳои қудратии мамлакат «Соати парлумонӣ» баргузор гардид.
Тавре котиби матбуоти Маҷлиси намояндагон Муҳаммадато Султонов ба мухбири АМИТ «Ховар» хабар дод, мавзӯи нишаст «Пешгирии ҷалби ҷавонон ба ташкилотҳои террористию экстремистӣ ва иҷрои Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» буд.
Ба иттилои манбаъ, Абдуҷаббор Азизӣ зимни ҷамъомад гуфт, ки «масъалаи баррасишаванда яке аз мавзӯъҳои мубрами ҷомеа буда, ҷалби ҷавонон ба ташкилотҳои террористию экстремистӣ яке аз омилҳои хавфнок ва мушкилоти глобалии ҷомеа ба ҳисоб меравад. Танҳо муборизаи дастаҷамъона метавонад барои решакан ва аз байн бурдани ин зуҳуроти номатлуб замина гузорад».
Зикр шуд, ки мақсади баргузор намудани «Соати парлумонӣ» пешгирии ҷалби ҷавонон ба ташкилотҳои террористию экстремистӣ мебошад. Сарвари давлат муҳтарам Эмомалӣ Раҳмон борҳо аз минбарҳои байналмилалӣ сухан гуфта, зикр намудаанд, ки «террорист ватан, миллат ва мазҳаб надорад».
Аз рӯи масъалаи мазкур дар назди ҳозирин муовини якуми раиси Кумитаи давлатии амнияти миллии Ҷумҳурии Тоҷикистон Мансурҷон Умаров, сардори Раёсати мубориза бар зидди ҷиноятҳои муташаккили Вазорати корҳои дохилии Ҷумҳурии Тоҷикистон Шодӣ Ҳафиззода, сардори Раёсати муқовимат бо терроризм, экстремизм ва назорати иҷрои қонунҳо дар самти амнияти миллии Прокуратураи генералии Ҷумҳурии Тоҷикистон Абдураҳим Абдулҳасаниён, муовини сардори Хадамоти пешгирии ҳуқуқвайронкунӣ дар байни ноболиғон ва ҷавонони Вазорати корҳои дохилии Ҷумҳурии Тоҷикистон Зебунисо Ҷумахонзода, сардори Раёсати назорати иҷрои қонунҳо оид ба ноболиғон ва ҷавонони Прокуратураи генералии Ҷумҳурии Тоҷикистон Баракатулло Камолзода сухан гуфтанд.
Дар анҷом байни вакилони Маҷлиси намояндагон ва кормандони масъули соҳаҳои қудратии кишвар саволу ҷавоб ва музокираҳои судманд баргузор гардиданд.
Ҷаласаи навбатии кумита оид ба масъалаҳои иҷтимоӣ, ҳифзи сиҳатӣ, илм, маориф, фарҳанг ва сиёсати ҷавонону занони Маҷлиси миллӣ доир гардид
Ҷаласаи навбатии кумитаи Маҷлиси миллии Маҷлиси Олӣ доир гардид
Ҷаласаи навбатии иҷлосияи сеюми Маҷлиси намояндагони Маҷлиси Олӣ, даъвати ҳафтум баргузор гардид
Иҷлосияи ҳафтуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум доир мегардад
Ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор мешавад
Маҳмадшоҳ Гулзода дар ҷаласаи 24-уми тирамоҳии Ассамблеяи парлумонии Созмони амният ва ҳамкорӣ дар Аврупо иштирок намуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Маҷлиси намояндагон тағйирот ба Конвенсия оид ба авиатсияи граждании байналмилалиро қабул намуд
Дар Танзания вохӯрии ҳамоҳангсозии роҳбарони ҳайатҳои парлумонии давлатҳои аъзои СААД доир шуд
Ҷаласаи навбатии иҷлосияи сеюми Маҷлиси намояндагони Маҷлиси Олӣ, даъвати ҳафтум баргузор гардид
Даври дуюми Мактаби САҲА оид ба дипломатия, роҳбарӣ ва сулҳоварӣ барои ҷавондухтарон оғоз гардид
Дар Маҷлиси намояндагон бахшида ба Рӯзи забони давлатии Ҷумҳурии Тоҷикистон ҳамоиши идона баргузор гардид
