Дар Форуми байналмилалии муколамаи тиҷоратӣ ва фарҳангӣ дар Чин мавзеъҳои таърихию сайёҳӣ ва ҳунарҳои дастии Тоҷикистон намоиш дода шуданд
ДУШАНБЕ, 04.12.2018 /АМИТ «Ховар»/. Рӯзҳои 1-2-юми декабри соли равон Сафири Фавқулода ва Мухтори Ҷумҳурии Тоҷикистон дар Ҷумҳурии Мардумии Чин Парвиз Давлатзода дар ифтитоҳи Намоишгоҳи байналмилалии асбобҳои мусиқӣ ва дуюмин Форуми байналмилалии муколамаи тиҷоратӣ ва фарҳангӣ, ки дар мавзеи сайёҳии «Экспо-парки хонаҳои қадима»-и шаҳри Бенгбуи музофоти Анхой доир гардиданд, иштирок ва суханронӣ намуд.
Тавре ба АМИТ «Ховар» аз Вазорати корҳои хориҷии Ҷумҳури Тоҷикистон хабар доданд, Парвиз Давлатзода оид ба фарҳанги пурғановат, санъату ҳунари волои мардуми тоҷик, рушду пешрафти иқтисоди кишвар сухан ронда, вобаста ба рушди бомароми ҳамкории Тоҷикистону Чин дар соҳаи тиҷорату фарҳанг ва имконоту фазои сармоягузорӣ дар Тоҷикистон маълумот дод.
Дар доираи сафари мазкур мулоқоти Сафир бо аъзои Шӯрои мардумии машварати сиёсӣ, Раиси Иттиҳодияи Санҷианг ва Роҳбари «Экспо-парки хонаҳои қадима» Ма Гуосианг ва муовини Раиси шаҳри Бенгбу хонум Ҷанг Сиаоҷинг баргузор гардида, масъалаи бунёди хонаи тоҷикӣ дар Бенбу матраҳ карда шуд.
Ҳамчунин 2 декабр дар доираи ҳарду ҳамоиш бахшида ба Соли рушди сайёҳӣ ва ҳунарҳои мардумӣ ва аз ҷониби ЮНЕСКО ҳамчун мероси ғайримоддии фарҳангӣ қабул шудани Чакан намоиши мавзеъҳои таърихию сайёҳӣ ва маҳсули дасти ҳунармандони Ҷумҳурии Тоҷикистон доир гардид.
Сафир Парвиз Давлатзода, муовини Раиси шаҳри Бенгбу хонум Ҷанг Сиаоҷинг, аъзои Шӯрои мардумии машварати сиёсии Чин Ма Гуосианг, Сафири Озарбойҷон дар Чин Акрам Зайналӣ бо гузоштани имзо дар лавҳаи идона ба намоиш оғоз бахшиданд.
Дар намоиш беш аз 30 акс, ки бахшҳои таърихию фарҳангӣ, манзараҳои тамошобоби кишвар, расму оин, ҳаёти имрӯзаи мардуми кишвари моро инъикос мекунанд, либоси миллӣ, маҳсули ҳунарҳои дастӣ, ба монанди гулдӯзӣ, зардӯзӣ, кулолгарӣ, кандакорӣ ва ғайра ба маърази намоиш гузошта шуданд.
Намояндагони сохторҳои давлатии шаҳри Бенгбу, намояндагони корпуси дипломатӣ, меҳмонони Намоишгоҳи байналмилалии асбобҳои мусиқӣ ва дуюмин Форуми байналмилалии муколамаи тиҷоратӣ ва фарҳангӣ, намояндагони воситаҳои ахбори омма дар намоиши мазкур иштирок карданд.
Шоҳкориҳои табиии «Чилдухтарон» қалби ҳазорон нафар сайёҳони дохилию хориҷиро тасхир месозад
Бахшида ба Рӯзи Ваҳдати миллӣ дар Донишгоҳи байналмилалии сайёҳӣ ва соҳибкории Тоҷикистон ҳамоиши илмӣ баргузор шуд
Дар Хатлон беш аз 940 ёдгории таърихиву фарҳангӣ мавҷуд аст
Форум ва намоишгоҳи байналмилалии сайёҳии «Хатлон — сарзамини тамаддунҳо ва саёҳат» оғоз гардид
Моҳи август «Фестивали тобистонаи Душанбе – 2026» баргузор мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
«RED BUS TOURS». Имрӯз дар Душанбе мавсими нави хатсайрҳои сайёҳии дохилишаҳрӣ оғоз мегардад
ЗЕБОИҲОИ НОТАКРОРИ ТАБИАТИ ДАРАИ СИЁМА. Он қалби иштирокдорони Конфронси чоруми сатҳи баланди оби Душанберо тасхир намуд
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
Коршиносони хориҷӣ нақши Тоҷикистонро чун давлати ташаббускор дар ҳалли масъалаҳои глобалии обу иқлим назаррас арзёбӣ намуданд
Ҳамкории Донишгоҳи байналмилалии сайёҳӣ ва соҳибкории Тоҷикистон бо Донишгоҳи СММ тақвият меёбад
