«МАРҲАБО БА ДУШАНБЕ!». Дирӯз дар Душанбе Фестивали ҷумҳуриявии сайёҳӣ оғоз гардид
ДУШАНБЕ, 30.12.2018 /АМИТ «Ховар»/. «Марҳабо ба Душанбе-шаҳри орзуҳо»- таҳти чунин унвон дирӯз бахшида ба Соли рушди сайёҳӣ ва ҳунарҳои мардумӣ дар шаҳри Душанбе Фестивали ҷумҳуриявии сайёҳӣ оғоз гардид.
Фестивали сайёҳӣ бо ҷонибдорӣ аз дастуру супоришҳои хирадмандонаи Асосгузори сулҳу ваҳдати миллӣ, Пешвои миллат Президенти Ҷумҳурии Тоҷикистон муҳтарам Эмомалӣ Раҳмон ва бо ибтикори Мақомоти иҷроияи ҳокимияти давлатии шаҳри Душанбе дар ҳамкорӣ бо Кумитаи рушди сайёҳии назди Ҳукумати Ҷумҳурии Тоҷикистон баргузор мегардад.
Ба иттилои манбаъ, мақсади асосии фестивали сайёҳӣ пойдор намудани риштаҳои дӯстӣ миёни шаҳрвандони кишвар, муаррифии фарҳангу анъанаҳои минтақаҳои гуногуни ҷумҳурӣ, равнақ бахшидани ҳунарҳои мардумӣ ва рушди минбаъдаи соҳаи сайёҳӣ мебошад.
Дар фестивал зиёда аз 100 нафар намояндагони касбу кори гуногуни шаҳру ноҳияҳои мамлакат иштирок намуда, бо тарзи хизматрасонӣ ба сайёҳон дар ҶСК «Фурудгоҳи байналмилалии Душанбе» шинос гардиданд. Онҳо сипас аз Академияи Кембриҷ дар шаҳри Душанбе ва Осорхонаи миллии Тоҷикистон дидан намуданд. Дар ҷараёни кори фестивал меҳмонон ҳамзамон аз дигар мавзеъҳои фарҳангу фароғатӣ ва сайёҳии шаҳри Душанбе дидан менамоянд.
Инчунин нимаи дуюми дирӯз дар муассисаи давлатии Душанбе-Плаза таҳти унвони «Ташаббуси Пешвои миллат муҳтарам Эмомалӣ Раҳмон: 2019-2021- солҳои рушди деҳот, сайёҳӣ ва ҳунарҳои мардумӣ-кафили рушди устувор» ҳамоиши ҷумҳуриявӣ доир гардид.
Дар кори ҳамоиш намояндагони Дастгоҳи иҷроияи Президенти Ҷумҳурии Тоҷикистон, Маҷлиси намояндагони Маҷлиси Олии Ҷумҳурии Тоҷикистон, Мақомоти иҷроияи ҳокимияти давлатии шаҳри Душанбе, Кумитаи рушди сайёҳии назди Ҳукумати Ҷумҳурии Тоҷикистон ва меҳмонон аз тамоми вилояту ноҳияҳои мамлакат ҷамъ омада, оид ба таъриху фарҳанг, рушди соҳаи сайёҳӣ ва ҳунарҳои мардумӣ дар деҳот ва равнақи минбаъдаи он дар қаламрави мамлакату ба ҷаҳониён муаррифӣ намудани он маърӯза намуданд.
Инчунин иштирокдорон аз боғи фарҳангӣ-фароғатии Алишер Навоӣ ва шомгоҳон аз Арчаи асосии солинавии Душанбе боздид намуданд.
Ёдовар мешавем, ки Фестивали ҷумҳуриявии сайёҳӣ ду рӯз идома меёбад.
Кумитаи рушди сайёҳӣ барои рушди соҳа ва тарғиби имконоти сайёҳии Тоҷикистон озмун эълон намуд
САЙЁҲИИ РАҚАМӢ. Дар Душанбе лоиҳаи замимаи мобилии «Ватан» муаррифӣ гардид
ДУШАНБЕ — ҚАЛБИ ТОҶИКИСТОН. Таҳти ин унвон конференсияи ҷумҳуриявии илмӣ – амалӣ баргузор шуд
Имконоти сайёҳӣ ва ҳунарҳои миллии Тоҷикистон дар шаҳри Тула муаррифӣ гардид
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
35 ШОҲКОРӢ ДАР ДУШАНБЕ. Дар даврони соҳибистиқлолӣ пойтахти Тоҷикистон ба яке аз шаҳрҳои зеботарини минтақа табдил ёфт
Бахшида ба ҷашни Меҳргон Форуми байналмилалии «Сайёҳии устувор ва мероси фарҳангӣ» баргузор мегардад
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
«БУРҶИ ДУШАНБЕ» — 77 ОШЁНА ВА 340 МЕТР БАЛАНДӢ. Сохтмони баландтарин иншоот дар пойтахти Тоҷикистон оғоз гардид
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Раиси шаҳри Душанбе Рустами Эмомалӣ бинои нави Кумитаи дин ва танзими ҷашну маросимро ифтитоҳ намуданд
Имсол кӯчаи Абдулаҳад Қаҳҳоров мавриди истифода қарор дода мешавад
