МУБОРАК БОД! Ректори Донишгоҳи давлатии тиҷорати Тоҷикистон Ҳамидуллохон Фақеров узви Шӯрои коршиносони иқтисодии Ассамблеяи байнипарлумонии ИДМ интихоб гардид
ДУШАНБЕ, 19.12.2018 /АМИТ «Ховар»/. Ректори Донишгоҳи давлатии тиҷорати Тоҷикистон, доктори илмҳои иқтисодӣ, профессор Ҳамидуллохон Фақеров дар ҷаласаи 48-уми Ассамблеяи байнипарлумонии давлатҳои аъзои Иттиҳоди Давлатҳои Мустақил (АБП ИДМ) узви Шӯрои коршиносони иқтисодии ин созмони бонуфуз интихоб гардид.
Ҷаласаи АБП ИДМ 29 ноябри соли равон дар толори Думскийи «Қасри Таврия» дар шаҳри Санкт Петербург баргузор гардид. Дар он роҳбарони ҳайатҳои миллии давлатҳои аъзои Иттиҳод, аъзои Шӯрои Федератсия ва вакилони Думаи давлатӣ иштирок доштанд.
Зимни ҷаласа аъзои Шӯро як зумра қонунҳо ва тавсияҳо, аз ҷумла тавсияҳо «Оид ба беҳтар намудани сифати таҳсилот дар давлатҳои аъзои ИДМ»-ро тасдиқ намуданд.
МАЪЛУМОТНОМАИ АМИТ «ХОВАР»:
ФАҚЕРОВ Ҳамидуллохон Нуриддинович 13 феврали соли 1959 таваллуд шуда, доктори илмҳои иқтисодӣ, профессор ва узви вобастаи Академияи муҳандисии Ҷумҳурии Тоҷикистон мебошад. Соли 1980 факултаи банақшагирӣ ва иқтисодии ДМТ-ро хатм кардааст.
Аз соли 1980 то соли 2002 ба ҳайси иқтисодчӣ дар филиали Институти илмӣ-тадқиқотии умумииттифоқӣ дар Тоҷикистон, аспирант, ходими калони илмӣ, сардори шуъба дар филиали Институти илмӣ-тадқиқотии умумииттифоқӣ дар Тоҷикистон, муаллими калон, муовини декан, декан ва муовини ректори Донишгоҳи давлатии тиҷорати Тоҷикистон фаъолият кардааст.
Соли 2002 ӯ Раиси Шӯрои ректорони донишгоҳҳои Ҷумҳурии Тоҷикистон интихоб гардид. Солҳои 2002-2008 ректори Донишгоҳи давлатии тиҷорати Тоҷикистон буд. Ҳамчунин солҳои 2008 — 2017 дар маснади сардори шуъбаи маориф ва илми Дастгоҳи иҷроияи Президенти Ҷумҳурии Тоҷикистон, муовини якуми Вазири рушди иқтисод ва савдои Ҷумҳурии Тоҷикистон ва сардори Раёсати маорифи шаҳри Душанбе адои вазифа намудааст.
15 марти соли 2017 бо Қарори Ҳукумати Ҷумҳурии Тоҷикистон Ҳамидуллохон Фақеров дубора ректори Донишгоҳи давлатии тиҷорати Тоҷикистон таъйин карда шуд.
Ӯ соли 2004 рисолаи докториашро дар мавзӯи «Ташаккул ва рушди бозори истеъмолӣ дар шароити гузариши иқтисодӣ» ҳимоя кард.
Донишгоҳи давлатии тиҷорати Тоҷикистон таҳти роҳбарии ӯ аз аввалинҳо шуда, аз сентябри соли 2005 гурӯҳҳои пилотии низоми таҳсилоти кредитиро ифтитоҳ кард.
Воридшавии Тоҷикистон ба фазои ягонаи таҳсилоти ҷаҳонӣ тавассути истифодаи технологияи таҳсилоти кредитӣ талаботи замон аст.
Пагоҳ дар Душанбе Рӯзи фарҳанги вилояти Хатлон баргузор мешавад
Соли 2027 дар Тоҷикистон Рӯзҳои фарҳанги Покистон баргузор мегарданд
«АЗ СУЛҲИ ТОҶИКОН ТО СУЛҲИ ҶАҲОН». Таҳти чунин унвон дар Душанбе конфронси илмӣ-амалӣ доир шуд
«Барномаи рушди мактабҳои бачагонаи мусиқӣ, рассомӣ, санъат ва мактаб-интернатҳои миёнаи махсуси ҷумҳуриявии мусиқӣ ва санъат дар Ҷумҳурии Тоҷикистон барои солҳои 2027-2031» қабул гардид
Аз ҳудуди ноҳияи Данғара ёдгории нодири меъмории мансуб ба асрҳои IX–XII ёфт гардид
Дар Душанбе бахшида ба 35-солагии Истиқлолияти давлатӣ ҳамоиши тантанавӣ баргузор гардид
29 август дар Душанбе Рӯзи фарҳанги вилояти Хатлон баргузор мешавад
«ЯК МЕРОС, ДУ САРЗАМИН». Намоишгоҳи муштараки маҷозии Тоҷикистон ва Эрон ифтитоҳ ёфт
Оид ба таҳаввули мутолиаи китоб дар даврони Истиқлолияти давлатӣ маҳфили адабӣ баргузор гардид
Дар Рӯзи фарҳанги Вилояти Мухтори Кӯҳистони Бадахшон ба сокинони пойтахт ганҷинаи нотакрори ҳунар пешниҳод гардид
«CHAKAN HOUSE». Дар Донишгоҳи давлатии Данғара маркази дӯзандагӣ ифтитоҳ гардид
Имрӯз дар боғҳои шаҳри Душанбе рӯзҳои фарҳанги ВМКБ ва ноҳияи Файзобод баргузор мегарданд
