Намояндагони ҲХДТ барои фаҳмонидани нуктаҳои Паёми Пешвои миллат ба минтақаи Сибири Россия сафар намуданд
ДУШАНБЕ, 03.01.2019 /АМИТ «Ховар»/. Намояндагони Ҳизби Халқии Демократии Тоҷикистон барои фаҳмонидани нуктаҳои Паёми Пешвои миллат ба Маҷлиси Олии Ҷумҳурии Тоҷикистон аз 26 декабри соли 2018 ба шаҳру вилоятҳои минтақаи Сибири Федератсияи Россия ба сафари корӣ баромаданд.
Тавре хабарнигори АМИТ «Ховар» дар Федератсияи Россия Садбарги Боқӣ иттилоъ дод, ба ҳайати гурӯҳи корӣ мудири шуъбаи дастгоҳи иҷроияи ҲХДТ Маҳмадулло Наимов, ректори Донишгоҳи давлатии Бохтар Муҳаммад Султонзода ва дигар шахсони расмӣ шомил буда, бо дастгирию роҳбаладии Консули генералии ҶТ дар Новосибирск Зардӣ Шамсиддин ва намояндаи Вазорати меҳнат, муҳоҷират ва шуғли аҳолии ҶТ дар Сибир Шералӣ Нуриддин, раиси ҷамъияти тоҷикони Новосибирск Сияршо Абдуҷабборов ва дигар фаъолони тоҷик дар корхонаҳои «Новосибхолод», бозори «Левобережка», масҷидҳо ва донишгоҳҳои Сибир, ки онҷо теъдоди зиёди ҷавонону ҳамватанонамон фаъолияти пурсамар ва таҳсил мекунанд, вохӯриҳо доир менамоянд.
Зимни мулоқоту суҳбатҳо нуктаҳои асосии Паёми Пешвои миллат, роҷеъ ба соҳаҳои иқтисодиёту иҷтимоиёт, дурнамои рушди маҳал, ҳунарҳои мардумӣ ва оинҳои миллӣ, рушди сайёҳӣ ва ғайра баррасӣ мешаванд.
«Бояд зикр кард, ки яке аз самтҳои Паёми навбатии Пешвои миллат дар Ҷумҳурии Тоҷикистон эълон намудани 300 рӯзи ислоҳот оид ба дастгирии соҳибкорӣ ва беҳтар намудани фазои сармоягузорӣ мебошад. Ин матлабро Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни манзури Паёми навбатии худ ба Парлумони мамлакат иброз намуданд.
Дар робита ба ин Пешвои миллат ба Ҳукумати мамлакат супориш доданд, ки барои бартараф намудани монеаҳои маъмурӣ, таъмин намудани самаранокии хизматрасониҳои давлатӣ ба аҳолӣ соли 2019 лоиҳаи Қонуни Ҷумҳурии Тоҷикистон «Дар бораи хизматрасониҳои давлатӣ»-ро таҳия ва пешниҳод намоянд. Инчунин супориш дода шуд, ки Ҳукумати Ҷумҳурии Тоҷикистон ҷиҳати дар шаҳру ноҳияҳои кишвар ташкил намудани марказҳои хизматрасонӣ, ки дар як вақт вазифаи маркази таълимии соҳибкоронро иҷро мекунанд, тадбирҳои зарурӣ андешад. Ба андешаи Сарвари давлат, «ин кори бисёр муҳим буда, ба воситаи курсҳои махсус ва ҷалби ҷавонон ба фаъолияти соҳибкорӣ ба ин соҳа такон бахшида мешавад ва ин омилҳо ҳар яки моро водор мекунонанд, ки дар ин самт корҳои созандагиро бештару беҳтар ба роҳ монда, дар рушди маҳал ва Ватани азиз ҳамаҷониба саҳмгузор бошем».
Ин гуфтаҳоро зимни суҳбату мулоқотҳо Маҳмадулло Наимов ва соҳибкорони ватанӣ аз Новосибирск Сияршо Абдуҷабборов, Раҳимҷон Бобоҷонов, Исмоил Киборов ва дигарон иброз доштанд.
Соҳибкорон изҳор намуданд, ки ҷиҳати дар амал татбиқ кардани пешниҳодҳои ободкоронаи Пешвои миллат ва рушду нумӯи Ватани худ нақши муносиби худро мегузоранд.
Вохӯриҳо ҷиҳати ба ҳамватанони бурунмарзиамон расондани нуктаҳои Паёми навбатии Пешвои миллат дар шаҳру вилоятҳои ҳавзаи консулгарии генералии ҶТ дар минтақаи Сибир идома доранд.
«МАН БА МАРДУМИ ТОҶИК ҲАВАС МЕБАРАМ, КИ ДАР ЧУНИН ТАБИАТИ ЗЕБО УМР БА САР МЕБАРАНД…». Таассуроти меҳмонон ва иштирокдорони Конфронси сеюми оби Душанбе аз тамошои манзараҳои Тоҷикистон
ИҚДОМҲОИ ПРЕЗИДЕНТИ ТОҶИКИСТОН ҶОМЕАИ ҶАҲОНРО БА ҲАМ ОВАРД! Таассуроти меҳмонон ва иштирокдорони Конфронси сеюми оби Душанбе аз тамошои дараи Ромит
ТОҶИКИСТОН — ШВЕЙТСАРИЯИ ДУЮМ. Меҳмонон ва иштирокдорони Конфронси оби Душанбе аз тамошои манзараҳои дилфиреби Варзоб, хусусан оби мусаффои дарёи Сиёма ангушти ҳайрат газиданд
Эмомалӣ Раҳмон: «Ватанамонро соҳибӣ мекунем, обод мекунем ва намегузорем, ки халқамон дастнигари дигарон шавад»
ИҚТИСОДИ «САБЗ». Намояндаи Ироқ Ҳотам Ҳусейн: «Шумораи зиёди электромобилҳо дар Душанбе аз тадбирҳои тоза нигоҳ доштани муҳити зист дарак медиҳад»
«ТОҶИКИСТОНРО ЧУН БИҲИШТИ РӮИ ЗАМИН ДАРЁФТЕМ». Бардошти меҳмонон пас аз шиносоӣ бо сохтмони Неругоҳи барқи обии «Роғун»
Эмомалӣ Раҳмон: «Иди Қурбон тӯй ё маросиме нест, ки боиси вазнин шудани вазъи молии инсон ва аъзои оилаи вай гардад»
РАВАНДИ ОБИ ДУШАНБЕ. Рен Чинг Чун: «Иқдоми ҷаҳонии Тоҷикистонро дар масъалаи обу иқлим ва ҳифзи пиряхҳо ҷонибдорӣ менамоем»
Давоми ду даҳсола ташаббусҳои ҷаҳонии Тоҷикистон дар пешбурди масъалаҳои об нақши муҳим гузоштанд
РАВАНДИ ОБИ ДУШАНБЕ. Хабарнигор аз Африқо Омва Баблин: «Тоҷикистон дар раванди ҳалли мушкилоти обу иқлим саҳми арзанда гузоштааст»
РАВАНДИ ОБИ ДУШАНБЕ. Таҳти раёсати Сарвазири Тоҷикистон Қоҳир Расулзода ҷаласаи хотимавии Конфронси сеюми байналмилалии сатҳи баланд доир гардид
РАВАНДИ ОБИ ДУШАНБЕ. Конфронси сеюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» анҷом ёфт
