ЧӢ ТАВР МЕТАВОН БО КУМИТАИ ҲОЛАТҲОИ ФАВҚУЛОДА ДАР ТАМОС ШУД? Ба ин савол зимни нишасти матбуотӣ раиси ин ниҳод Рустам Назарзода посух гуфт
ДУШАНБЕ, 07.02.2019 /АМИТ «Ховар»/. Соли 2018 дар қаламрави ҷумҳурӣ 167 ҳолати фавқулодаи дорои хусусияти табиӣ ба қайд гирифта шуда, 23-тои он ба аҳолӣ ва иқтисодиёти мамлакат хисороти моддӣ расониданд. Дар ин бора имрӯз Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Рустам Назарзода зимни нишасти матбуотии ин ниҳод ба хабарнигорон иттилоъ дод.
Ба гуфтаи мавсуф, дар ин давра бар асари офатҳои табиӣ дар қаламрави мамлакат 50 хонаи истиқоматӣ зарар диданд, ки 29-тояш пурра ва 21-тояш қисман вайрон гардиданд. Маблағи умумии хисороти ба аҳолӣ ва иқтисодиёти мамлакат расида 34 миллиону 249 ҳазор сомониро ташкил медиҳад.
Бояд гуфт, ки ба ҳамаи шаҳрвандон рақамҳои телефони ёрии таъҷилӣ, милитсия, хадамоти оташнишонӣ маълуманд, вале бисёриҳо телефони Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистонро намедонанд.
«Кормандони мо бо ҳамаи нафароне, ки бо ин ё он восита дар таъмини бехатарии шаҳрвандон алоқамандӣ доранд, ҳамкории густурда ба роҳ мондаанд. Мо ҳамеша барои расонидани кумак омодаем»,-илова намуд Рустам Назарзода.
Ба саволи хабарнигорон оид ба мавҷуд будани рақами ягона дар саросари ҷумҳурӣ, ки шаҳрвандон зимни ҳолатҳои фавқулода ба он дар тамос шуда тавонанд, мавсуф гуфт, ки дар ин ҳолатҳо сокинони шаҳри Душанбе метавонанд бо рақами 122 дар тамос шаванд.
«Ҳоло мо дар самти пайваст намудани ноҳияҳои тобеи марказ ба рақами ягона кор бурда истодаем. Инчунин дар шаҳру ноҳияҳои мамлакат қисмҳои навбатдории мо фаъолият мекунанд, ки рақамҳои онҳо дар сомонаи расмии кумита (http://www.khf.tj/) гузошта шудааст», — илова намуд Рустам Назарзода.
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
