Роҳбарони Консерваторияи миллӣ ва Донишкадаи санъати тасвирӣ ва дизайн ба саволҳои рӯзноманигорон посух доданд
ДУШАНБЕ, 7.02.2019. /АМИТ «Ховар»/. Соли сипаригардида омӯзгорони эҷодкори Донишкадаи санъати тасвирӣ ва дизайни Тоҷикистон дар беш аз 50 намоиши донишкадавӣ, ҷумҳуриявӣ ва байналмилалӣ асарҳои худро ба маъраз гузошта, корҳои эҷодии онҳо дар доираи намоиши таблиғотӣ ба сифати нигораҳо пешниҳод гардид. Ин матлабро ректори Донишкадаи мазкур Ҷамшед Ғанизода 6 феврал зимни нишасти матбуотӣ баён дошт.
Ба иттилои мавсуф, бахшида ба Соли рушди сайёҳӣ ва ҳунарҳои мардумӣ ва ҷиҳати муаррифии санъати тасвирӣ ва ҳунарҳои мардумии Тоҷикистон моҳи феврали соли 2018 дар бинои Созмони Милали Муттаҳид намоиши корҳои эҷодии омӯзгорони донишкада баргузор гардид.
«Корҳои эҷодии омӯзгорони Донишкадаи давлатии санъати тасвирӣ ва дизайни Тоҷикистон дар Рӯзҳои фарҳанги Ҷумҳурии Тоҷикистон дар давлати Кувайт муаррифӣ гардида, баҳои баланд гирифтанд»,-иброз дошт Ҷамшед Ғанизода.
Ба зикри номбурда, Донишкадаи дизайн бо баргузории чунин намоишҳо фарҳанг ва тамаддуни бою рангини тоҷиконро дар арсаи ҷаҳон муаррифӣ намудааст. Ҳамзамон дар Донишкада устохонаҳои коркарди чӯб, кулолгарӣ ва арт- галерея фаъолият мекунанд
Ёдовар мешавем, ки Донишкадаи давлатии санъати тасвирӣ ва дизайни Тоҷикистон соли 2013 таъсис ёфта, аввалин муассисаи мустақили давлатиест, ки дар соҳаи санъати тасвирӣ ва дизайн бакалавр ва магистр тайёр мекунад.
Зимни нишасти матбуотии Консерваторияи миллии Тоҷикистон ба номи Т. Сатторов 6 феврал ноиби ректор оид ба таълим Саъдулло Каримов баён намуд, ки омӯзгорони Консерваторияи миллии Тоҷикистон дар ҳайати мақомсароён ва коршиносони тоҷик дар аввалин Ҳамоиши байналмилалии санъати мақом, ки моҳи сентябри соли 2018 дар шаҳри Шаҳрисабзи Ҷумҳурии Ӯзбекистон баргузор шуд, ба гирифтани мукофоти асосӣ — Шоҳҷоиза мушарраф гардиданд.
«Ҳайати мақомсароёни Тоҷикистон дар ҳамоиши мазкур бо истеъдод ва маҳорати мақомнавозӣ ва мақомсароӣ иштирокчиён ва доварони барномаро мафтун намуда, сазовори баҳои баланд гардиданд»,-гуфт номбурда.
Қобили зикр аст, ки ҳамоиши мазкур бо дастгирии ЮНЕСКО баргузор гардид.
Муовини Вазири фарҳанг ва иршоди исломии Эрон дар Осорхонаи миллӣ бо тамаддуни бостонии тоҷикон шинос шуд
Гирандагони Шоҳҷоизаи Озмуни ҷумҳуриявии «Тоҷикистон – Ватани азизи ман» дар соли 2026 муайян гардиданд
Маросими ҷоизасупорӣ ба ғолибони Озмуни ҷумҳуриявии «Тоҷикистон–Ватани азизи ман» оғоз гардид
Феҳристи ёдгориҳои Намоиши байналмилалии «Тоҷикистон- кишвари ёдгориҳои нодир» таҳия гардид
Имрӯз маросими ҷоизасупории Озмуни ҷумҳуриявии «Тоҷикистон–Ватани азизи ман» баргузор мегардад
«КИТОБИ ДУШАНБЕ». Дар намоишгоҳи байналмилалӣ беш аз ду ҳазор номгӯй китоб пешниҳод гардид
Намояндагони Тоҷикистон дар Италия Нигористони Боргезеро тамошо намуданд
«РОБИАИ БАЛХӢ–НАХУСТИН НИДОИ ИШҚ». Бахшида ба 1050-солагии Робиаи Балхӣ ҳамоиши илмӣ–адабӣ доир шуд
Дар Душанбе бо иштироки беш аз 30 муассисаи нашриявӣ намоиши китоб оғоз гардид
«TAJIKISTAN, UNA CULTURA DA SCOPRIRE». Нашрияи итолиёвӣ доир ба мероси таърихию фарҳангии тоҷикон мақола чоп намуд
Ҷашнвораи ҳаштуми байналмилалии театрҳои лӯхтак «Чодари хаёл» оғоз гардид
Пагоҳ Намоишгоҳи чордаҳуми байналмилалии «Китоби Душанбе» оғоз мегардад
