Кумитаи ҳолатҳои фавқулода ва мудофиаи гражданӣ: сабабҳои рух додани ҳодиса дар Масҷиди марказии ҷомеи шаҳри Душанбе омӯхта мешаванд
ДУШАНБЕ, 25.02.2019. /АМИТ «Ховар»/. Субҳи имрӯз бар асари як ҳодисаи нохуши тасодуфӣ дар маҳалли корҳои сохтмонии Масҷиди марказии ҷомеи шаҳри Душанбе 9 нафар сохтмончиён аз баландӣ ба замин афтоданд.
«Ҳамаи нафароне, ки дар ин ҳодиса ҷароҳатҳои гуногун бардоштанд, дарҳол дар «Маркази миллии тиббии Ҷумҳурии Тоҷикистон» — шаҳраки «Шифобахш» бистарӣ карда шуданд», — гуфт сухангӯи Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Умеда Юсуфӣ ба хабарнигори АМИТ «Ховар».
Ба иттилои мавсуф, як нафари онҳо, ки вазъи саломатияш хуб аст, аз бистарӣ шудан даст кашид ва аз беморхона ҷавоб дода шуд.
«Барои муайян намудани сабабҳои ҳодиса аз ҷониби Кумита гурӯҳи корӣ таъсис ва фавран ба ҷойи ҳодиса равон карда шуд. Гурӯҳи корӣ ҳолатҳои ҷойдоштаро санҷида, сабаби рух додани ҳодисаро муайян менамояд», -илова намуд Умеда Юсуфӣ.
Хотиррасон менамоем, ки Масҷиди марказии ҷомеи шаҳри Душанбе дар майдони 12 гектар ҷойгир шуда, ҳоло дар он корҳои бунёдкорӣ идома доранд. Он аз биною мавзеъҳои намозхонӣ, китобхона, осорхона, толорҳои маҷлисӣ ва қабули меҳмонон барои мулоқоту гуфтушунидҳо иборат хоҳад буд.
Ба сокинони аз офатҳои табиӣ зарардидаи ноҳияи Фархор кумак расонида шуд
Дар Деваштич дар мавзуи технологияи парвариши картошка машварати илмӣ-амалии ҷумҳуриявӣ баргузор шуд
НИШАСТИ МАТБУОТӢ. То соли 2032 тамоми аҳолии Тоҷикистон бо оби нӯшокии мутамарказонидашуда таъмин мегардад
САЛОМАТИИ МИЛЛАТ — БОИГАРИИ АСОСИИ ДАВЛАТ. Дар Тоҷикистон барои пешгирии бемориии гепатит чораҳои мақсаднок андешида мешаванд
ҲИФЗИ СИРРИ ДАВЛАТӢ ВА ҲИФЗИ ТЕХНИКИИ ИТТИЛООТ. Роҳбарони дастгоҳҳои шаҳру ноҳияҳои тобеи ҷумҳурӣ такмили ихтисос намуданд
35-СОЛАГИИ ИСТИҚЛОЛИ ДАВЛАТӢ. Дар деҳаи Долонаи Ашт мактаб ва бунгоҳи тиббӣ сохта мешавад
Дар Душанбе вобаста ба нақши қонунҳои миллӣ дар таъмини зиндагии шоистаи мардум конференсияи илмӣ — назариявӣ доир гардид
Дар ташкилоти ибтидоии ҳизбии «Заминсоз» маҷлиси ҳисоботӣ-интихоботӣ баргузор шуд
Дар Вазорати тандурустӣ ва ҳифзи иҷтимоии аҳолӣ масъалаи ошкорсозӣ ва бақайдгирии гепатитҳои вирусӣ баррасӣ гардид
Тоҷикистон ва Туркия бо мақсади рушди инфрасохтори соҳаи кор бо ҷавонон ва варзиш ҳамкориро тақвият медиҳанд
Риояи талаботи муқаррароти қонунҳои миллӣ дар Бонки миллии Тоҷикистон шарҳу тавзеҳ дода шуд
Дар Вазорати меҳнат, муҳоҷират ва шуғли аҳолӣ вобаста ба татбиқи Стратегияи давлатии муқовимат бо коррупсия вохӯрӣ доир гардид
