ОБУ ҲАВО: имрӯз дар Тоҷикистон ҳавои абрнок ва тағйирёбанда дар назар аст

ДУШАНБЕ, 02.02.2019 /АМИТ «Ховар»/. Имрӯз дар ҷумҳурӣ ҳавои тағйирёбанда  дар назар аст. Дар ин бора аз Агентии обуҳавошиносии Тоҷикистон ба АМИТ «Ховар» хабар доданд.

Ба иттилои манбаъ, имрӯз дар Вилояти Мухтори Кӯҳистони Бадахшон ҳавои абрнок шуда, дар баъзе минтақаҳо боридани барф  дар  назар аст. Ҳаво дар ғарби вилоят шабона 10-15  ва рӯзона 1-6 дараҷа сард мешавад. Дар шарқи вилоят ҳаво  шабона  24-29 ва рӯзона 10-15  дараҷа сард мегардад.

Дар вилояти Суғд   ҳавои абрноки бебориш дар назар аст. Дар минтақаҳои кӯҳӣ барф меборад.  Шамол аз самти шарқ 4-9 метр дар як сония мевазад. Ҳаво дар водиҳо шабона 0-5  ва рӯзона 6-11 дараҷа гарм шуда, дар кӯҳҳо шабона 3-8  дараҷа сардӣ дар назар аст.

Дар вилояти Хатлон   ҳавои тағйирёбандаи бебориш  ва  дар минтақаҳои кӯҳӣ борон ва барф меборад. Ҳаво дар водиҳо шабона 2-7 ва рӯзона 10-15 дараҷа гарм мешавад. Дар доманакӯҳҳо шабона ҳарорат ба    -2+3 дараҷа расида, рӯзона  4-9 дараҷа гарм мешавад.

Дар шаҳру ноҳияҳои тобеи марказ ҳавои абрнок шуда, дар водиҳо боридани борони кӯтоҳмуддат дар  назар аст. Ҳаво дар водиҳо шабона 0-5 ва рӯзона 8-13 дараҷа гарм мешавад. Дар кӯҳҳо ҳаво шабона аз 3-8 дараҷа сард шуда, ҳарорат рӯзона  ба -1+4 дараҷа мерасад.

Дар шаҳри Душанбе боридани борони кӯтоҳмуддат  дар назар дошта шуда, ҳаво шабона 2-4 ва рӯзона 10- 12 дараҷа гарм мешавад.