РАСМИ ХУБИ ТОҶИКОН. Донишҷӯёни Донишгоҳи славянии Россия ва Тоҷикистон барои Сергей Лавров суруд хонданд ва ҳамроҳаш акс гирифтанд
ДУШАНБЕ, 06.02.2019. /АМИТ «Ховар»/. Дар шабакаҳои иҷтимоӣ наворе пайдо шуд, ки дар он донишҷӯёни Донишгоҳи славянии Россия ва Тоҷикистон ҳамроҳи ректорашон Нуралӣ Солеҳов Вазири корҳои хориҷии Россия Сергей Лавровро пешвоз ва бо ӯ акс мегиранд.
Сергей Лавров дар рафти сафар ба Тоҷикистон дар назди донишҷӯёни Донишгоҳи славянии Россия ва Тоҷикистону суханронӣ кард. Дар даромадгоҳ вазирро донишҷӯёни тоҷик ва рус бо либосҳои миллӣ пазироӣ намуданд.
Онҳо барои Лавров сурудҳои миллии тоҷикию русӣ хонданд ва ҳамроҳаш акс гирифтанд.
Сергей Лавров зимни суханронии худ изҳор дошт, ки Россия кӯшиши он ҷавонони тоҷикро, ки мехоҳанд дар макотиби Россия таҳсил кунанд, қадр мекунад. «Имрӯзҳо мувофиқи барномаи Россия дар донишгоҳҳо ва донишкадаҳо зиёда аз 28 ҳазор нафар донишҷӯёни Тоҷикистон таҳсил мекунанд», — афзуд вай.
Вазир ҳамчунин ёдовар шуд, ки роҳбарияти Тоҷикистон дар рушди омӯзиши забони русӣ ва фарҳанги русӣ дар кишвар аҳамияти хос медиҳад.
Ин сафари нахустини Вазири корҳои хориҷии Россия ба Тоҷикистон нест. Моҳи апрели соли 2012 низ дар ҷараёни сафари худ ба Тоҷиккистон Сергей Лавров меҳмони устодону донишҷӯёни Донишгоҳи славянии Россия ва Тоҷикистон шуда буд. Дар ҳамоише, ки ба ин муносибат дар донишгоҳ баргузор шуд, ректори ҳамонвақтаи ДСРТ Маҳмадюсуф Имомзода ба Лавров дипломии «Доктори иифтихории Донишгоҳи славянии Россия ва Тоҷикистон»-ро супорид.
Тавре АМИТ «Ховар» қаблан хабар дод, Вазири корҳои хориҷии Россия Сергей Лавров 4-5 феврали соли 2019 бо сафари расмӣ ба Тоҷикистон омад. Ӯ бо Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва ҳамтои тоҷикаш Сироҷиддин Муҳриддин мулоқот намуд.
Вазири корҳои хориҷии Россия С.В. Лавров дар Донишгоҳи славянии Россия ва Тоҷикистон. Апрели соли 2012
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
