Дар Душанбе ба шарафи ҷашни Наврӯз озмуни «Авто-Бону-2019» баргузор мешавад

ДУШАНБЕ, 04.03.2019. /АМИТ «Ховар»/. Бахшида ба ҷашни Наврӯзи байналмилалӣ ва Солҳои рушди деҳот, сайёҳӣ ва ҳунарҳои мардумӣ Раёсати Бозрасии давлатии автомобилии ВКД Ҷумҳурии Тоҷикистон озмуни «Авто-Бону-2019» баргузор менамояд.

Тавре аз Раёсати БДА ВКД ҶТ ба мухбири АМИТ «Ховар» хабар доданд, озмуни мазкур  16 марти соли равон, соати 10:00 дар автодроми автоматонидашудаи ба номи А.Турсунов, воқеъ дар километри 7-уми кӯчаи Садриддин Айнӣ баргузор мегардад.

Ба иттилои манбаъ, озмун аз рӯи 5 давр- «Варақаи боздид» — «Ман ва автомобилам» (ороиши автомобил), мусобиқаи «Донандагони ҚҲР», рондани автомобил дар автодром, «шарҳи қисмҳои автомобил» ва «намоиши ҳунарҳои мардумӣ» гузаронида мешавад.

Барои иштирок дар озмун хоҳишмандон метавонанд ба суроғаи Раёсати БДА, кӯчаи Ҷ.Расулов-69 ва ё бо телефонҳои зерин муроҷиат намоянд: 93-508-70-72, 235-79-85