6 АПРЕЛ – РӮЗИ БАЙНАЛМИЛАЛИИ ВАРЗИШ. Он қосиди сулҳ, гарави саломатӣ ва воситаи беҳтарини муаррифии давлату миллат мебошад

Апрель 6, 2019 09:02

ДУШАНБЕ, 06.04.2019 /АМИТ «Ховар»/.  23 августи соли 2013  Ассамблеяи  Генералии Созмони  Милали Муттаҳид  қарор қабул намуд, ки  ҳамасола 6 апрел Рӯзи байналмилалии варзиш ҷашн гирифта шавад.

Мақсад аз қабули ин рӯз тарғиби тарзи ҳаёти солим, оммавӣ гардонидани варзиш ва ба ин восита ба ҳам овардани ҷавонону наврасон мебошад.  Варзиш   яке аз воситаҳои муҳими ҳифзу таҳкими  саломатии аҳолӣ, қосиди сулҳу субот, омили ташаккулдиҳандаи неруву тавоноии инсон  ва инъикоскунандаи  симои халқу миллат  дар арсаи ҷаҳон  мебошад. Он дар ҳаёти ҳар як нафар  аҳамияти аввалиндараҷа дошта, пайваста байни мардум  тарғибу ташвиқ мешавад. Варзиш воситаи беҳтарини муаррифӣ намудани давлату миллат ба ҳисоб меравад. Мардуми  мо ба тарбияи ҷисмонӣ ва варзиш ҳамчун воситаи муҳими беҳдошти саломатӣ ва ташаккули ҷисмониву маънавӣ ҳанӯз аз замонҳои қадим майлу рағбати зиёд доштанд.

Ба гуфтаи муовини сардори Раёсати тарбияи ҷисмонӣ ва инкишофи варзиши Кумитаи кор бо ҷавонон ва варзиши назди Ҳукумати Ҷумҳурии Тоҷикистон  Абдулло Маҳмадализода, соҳаи тарбияи ҷисмонӣ ва варзиш яке аз самтҳои афзалиятноки сиёсати иҷтимоии Ҳукумати ҷумҳурӣ ба ҳисоб рафта, он маҳз ба хотири таъмини оммавияти варзиш, таҳкими тарзи ҳаёти солим, мусоидат намудан ба омодакунии варзишгарони касбии тоҷик барои иштирок дар мусобиқаҳои бонуфузи байналмилалӣ, аз ҷумла мусобиқаҳои квалификатсионӣ ба ҳисоб меравад.

Бо ифтихор метавон зикр намуд, ки имрўзҳо варзишгарони тоҷик дар қатори ҳазорон шаҳрвандони бонангу номуси Тоҷикистон дар ин соҳа хизматҳои шоиста намуда, баҳри баланд гардидани нуфузу эътибор ва шарафи Ватани азизамон саҳми арзандаи худро мегузоранд.

Мавриди зикр аст, ки яке аз самтҳои афзалиятноки сиёсати иҷтимоии Ҳукумати кишвар маҳз соҳаи тарбияи ҷисмонӣ ва варзиш маҳсуб ёфта, он ба хотири таъмини оммавияти варзиш, таҳкими тарзи ҳаёти солим, мусоидат намудан ба омодакунии варзишгарони касбии тоҷик барои иштирок дар мусобиқаҳои бонуфузи байналмилалӣ ба ҳисоб меравад.

Дар масири таърих варзиш рукни муҳими ҳаёти ҳаррӯзаи ҳар як фарди миллати тоҷик арзёбӣ гардида, он дар баробари тақвият бахшидани қувваи ҷисмонӣ барои наврасону ҷавонон ҳамчун майдони мукаммалгардонии неруи зеҳнӣ ва хислатҳои наҷиби инсонӣ хизмат менамояд. Яке  аз самтҳои афзалиятноки сиёсати иҷтимоии Ҳукумати мамлакат маҳз соҳаи тарбияи ҷисмонӣ ва варзиш маҳсуб мешавад. Он  ба хотири таъмини оммавияти варзиш, таҳкими тарзи ҳаёти солим, мусоидат намудан ба омодакунии варзишгарони касбии тоҷик барои иштирок дар мусобиқаҳои бонуфузи байналмилалӣ нигаронида шудааст.

Имрӯз  бо дастгирии Ҳукумати ҷумҳурӣ, хусусан Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон  муҳтарам Эмомалӣ Раҳмон ва Раиси шаҳри Душанбе Рустами Эмомалӣ соҳаи варзиш рушд ёфта, варзишгарон пайваста дастгирӣ мешаванд. То имрӯз  сохтмони иншооти варзишӣ дар ҷумҳурӣ  бомаром идома дорад.

Бояд гуфт, ки ҳар ҳафта рӯзи шанбе дар ҷумҳурӣ бо мақсади тарзи ҳаёти солим «Рӯзи варзиш ва солимгардонӣ» гузаронида мешавад. Дар қаламрави мамлакат бо мақсади ҷалби бештари аҳолӣ ба таҳкими тарзи ҳаёти солим таҳти унвони «Зебоӣ, тавоноӣ ва доноӣ аз варзиш аст» машқҳои пагоҳирӯзӣ  дар боғҳои С.Айнӣ, ҷавонон, Парчами давлатӣ, Дӯстии халқҳо, назди шаршараи Наврӯзгоҳи пойтахт, майдончаҳои варзишӣ, боғҳои фарҳангию фароғатӣ ва мавзеъҳои барҳаво бо иштироки кормандони вазорату идораҳо, ташкилоту муассисаҳо, наврасону ҷавонон, варзишгарону дӯстдорони варзиш доир карда мешаванд.

Апрель 6, 2019 09:02

Хабарҳои дигари ин бахш

Варзишгарони ҷавони тоҷик дар мусобиқаҳои байналмилалӣ оид ба бокс дар Остона ва Боку сазовори медалҳои биринҷӣ гардиданд
Имрӯз мусобиқаи «Antalya Grand Slam-2024» оид ба ҷудо оғоз мешавад
Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»
ҶОМИ ҶАҲОН-2026. Имрӯз дастаи мунтахаби Тоҷикистон дар марҳилаи интихобӣ бо тими Арабистони Саудӣ бозӣ менамояд