ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Аз болои рудхонаи Ғунд боз як пули нави мошингузар бунёд гардид
ХОРУҒ, 26.04.2019 /АМИТ«Ховар»/. Бунёди пули мошингузар аз болои рудхонаи Ғунд деҳаҳои Питоб ва Сангови ҷамоати деҳоти Сучони ноҳияи Шуғнонро бо роҳи аҳамияти байналмилалии Кӯлоб-Дарвоз-Хоруғ-Кулма пайваст намуд.
То ин вақт сокинони ин ду деҳаи сераҳолӣ молу колои худро бо ароба тавассути як пули пиёдагарди лағжонак ба манзилҳояшон интиқол медоданд. Раиси ҷамоати деҳоти Сучон Амонбек Мавлоназаров бунёди пули мазкурро як туҳфаи арзанда дар остонаи 30-солагии Истиқлолияти давлатии Ҷумҳурии Тоҷикистон арзёбӣ намуда, изҳор дошт, ки дар гузашта ба хусус дар фаслҳои тирамоҳу зимистон сокинони деҳот маҷбур буданд, ки ҳезуму ангиштсангро аз як як соҳил ба соҳили дигар бо пушт интиқол диҳанд. Бо сохта шудани ин пул ҳамаи ин мушкилот пушти сар шуд.
Раиси ҷамоати деҳот гуфт, ки барои бунёди ин пул мақомоти иҷроияи ҳокимияти давлатии вилоят 1, 5 миллион сомонӣ ҷудо кард.
Раиси вилоят Ёдгор Файзов сокинони ҷамоати деҳоти Сучонро бо ифтитоҳи пул нав табрик карда, изҳор намуд, ки бо дастури Президенти кишвар дар доираи лоиҳаҳои давлатии сармоягузорӣ дар роҳҳои дорои аҳамияти ҷумҳуриявии ҳудуди вилоят, ки қариб 1300 километрро ташкил медиҳанд, боз бунёди 18 пул ба маблағи 160 миллион сомонӣ дар назар дошта шудааст. Раиси вилоят аз соҳибкорони маҳалӣ низ даъват намуд, ки дар рушди инфрасохтори деҳоти худ саҳм гузоранд. Зеро аз рушди деҳот ҳам соҳибкорон манфиати иқтисодӣ мебаранд ва ҳаёти деҳотиён рӯ ба беҳбудӣ мениҳад.
Дар ноҳияи Шуғнон то 30- солагии Истиқлолияти давлатӣ бунёди боз 60 иншооти таъиноти иқтисодию иҷтимоӣ ба нақша гирифта шудааст.
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
