Футбол: дастаи мунтахаби наврасони то 15-солаи Тоҷикистон дар мусобиқаи байналмилалии «Роҳи абрешим-Ҳуа Шан-2019» ширкат меварзад

ДУШАНБЕ, 05.04.2019. /АМИТ «Ховар»/. Дастаи мунтахаби наврасони то 15-солаи Тоҷикистон оид ба футбол дар мусобиқаи байналмилалии Ҷоми “Роҳи абрешим – Ҳуа Шан” (Silk Road – Hua Shan Cup-2019) ширкат меварзад. Футболбозони мамлакат  таҳти роҳбарии сармураббӣ  Аҳлиддин Турдиев ба Ҷумҳурии Мардумии Чин сафар карданд.

Барои иштирок дар мусобиқаи мазкур 22 футболбоз аз Академияи футболи Федератсияи футболи Тоҷикистон ба ҳайати дастаи мунтахаб интихоб шуданд. Мусобиқа аз 6 то 10 апрели соли равон дар шаҳри Вэйнан гузаронида мешавад.

Дар мусобиқаи байналмилалии Ҷоми “Роҳи абрешим – Ҳуа Шан-2019” ба ғайр аз дастаи мунтахаби  Тоҷикистон инчунин Қирғизистон, Мйанма ва Чин-мизбони бозиҳо иштирок мекунанд. Мусобиқа дар як давр гузаронида мешавад.

Ҳайати дастаи мунтахаби наврасони Тоҷикистон (U-15) чунин аст:

Дарвозабонҳо: Сафармад Ғаффоров, Зафар Шарифов;

Муҳофизатгарон: Раҳматшо Раҳматзода, Рӯзимуҳаммад Абдураҳмонов, Нурсултон Норбойзода, Шаҳриёр Норов, Ҳукмиддин Шомуродов, Рамзиддин Нарзуллоев, Фахриддин Аҳтамов, Меҳрубони Абдурауф, Шаҳриёри Иноятулло;

Нимҳимоятгарон: Қурбоналӣ Муродов, Алиҷони Айнӣ, Хусрав Тоиров, Бежан Нишонбойзода, Аббос Андалибов, Кабир Салимшоев, Абдулфатоҳи Худойдодзода;

Ҳамлаварон: Муҷовид Шовайсудинов, Муҳаммадиқбол Абдуллоев, Муҳаммадворис Саидалиев, Аминҷон Раҳмонов.

Тақвими бозиҳо чунин шакл гирифтааст:
6.04.2019.

Даври 1

13:00. ТОҶИКИСТОН – Қирғизистон
16:35. Чин – Мйанма

Даври 2

8.04.2019

13:00. Мйанма – ТОҶИКИСТОН
16:35. Қирғизистон – Чин

Даври 3

10.04.2019

13:00. Қирғизистон – Мйанма
16:35. Чин – ТОҶИКИСТОН

Соати баргузории бозиҳо бо вақти Душанбе иншон дода шудааст.